سنڌ جو وڏو وزير عوام دوست بجيٽ پيش ڪرڻ تي خراج تحسين جو مستحق آهي: شرف النساء شبنم

پيپلز پارٽي ئي سنڌ جي عوام کي خوشحالي ڏئي سگهي ٿي، ان جو عملي مظاهرو به نظر اچي رهيو آهي

ڪراچي (رپورٽر) سنڌ جو وڏو وزير سيد مراد علي شاهه عوام دوست بجيٽ پيش ڪرڻ تي مبارڪباد جو مستحق آهي. پ پ چيئرمين بلاول ڀٽو زرداري، شريڪ چيئرمين آصف علي زرداري ۽ ادي فريال شهيد راڻي بينظير ڀٽو جي نامڪمل مشن کي مڪمل ڪرڻ لاءِ ڏينهن رات ڪم ڪري رهيا آهن. انهن خيالن جو اظهارپاڪستان پيپلز پارٽي وومين ونگ سنڌ جي فنانس سيڪريٽري، ميمبر آر سي سي بلاول هائوس ۽ اڳوڻي ايم پي اي شرف نسا شبنم لغاري هڪ بيان ۾ چيو آهي ته موجوده صورتحال ۾ ٽيڪس فري بجيٽ پيش ڪرڻ سنڌ حڪومت جو قابل تحسين عمل آهي، جنهن جو ڪريڊٽ وڏي وزير سيد مراد علي شاهه ۽ سندس ڪابينا کي وڃي ٿو. شرف النساءَ لغاري وڌيڪ چيو ته پيپلز پارٽي ئي سنڌ جي عوام کي خوشيون ۽ خوشحالي ڏئي سگهي ٿي، ان جو عملي مظاهرو به نظر اچي رهيو آهي. هن وڌيڪ چيو ته يوٿ پارٽي چيئرمين بلاول ڀٽو ۽ سندس ڀيڻ خاتون اول آصفه ڀٽو زرداري گلگت بلتستان جي علائقي گلگت بلتستان ۾ پنهنجو عوامي پيغام پهچايو جنهن جي نتيجي ۾ پيپلز پارٽي اتي جي چونڊن ۾ تاريخي ڪاميابي حاصل ڪئي. پيپلز پارٽي عوامي خدمت تي يقين رکي ٿي ۽ ايندڙ چونڊن ۾ پيپلز پارٽي سڄي ملڪ مان ڪاميابي ماڻيندي. چيئرمين بلاول ڀٽو زرداري ملڪ جو وزيراعظم ٿيندو.