نوشهروفيروز ۾ ڳوٺ سهراب مري واسين جو 11هين ڏينهن به احتجاج جاري

پ پ ايم پي اي ممتاز چانڊيو، ضلعي چيئرمين سهيل اختر عباسي ۽ ٻيا اڳواڻ احتجاجي ڪيمپ تي پهتا

نوشهرو فيروز (ڊر)نوشهرو فيروز ڀرسان ڳوٺ سھراب مري جا ڳوٺاڻا اڄ 11ڏينھن به پريس ڪلب اڳيان احتجاج تي ويٺل رھيا جڏھن ته اڄ 11ڏينھن پيپلز پارٽي جي ڊويزنل قيادت ايم پي اي ممتاز چانڊيو ۔ضلعي چيئرمين سھيل اختر عباسي ۔ضلعي انفارميشن سيڪريٽري خان محمد اعواڻ ۔يوٿ ضلعي صدر غضنفر راڄپر پيپلز پارٽي اڳواڻ اڳوڻو جج علي گل خاصخيلي ڪيمپ تي اچي ڳالھيون ڪيون احتجاج ڪندڙ ڌر بشير مري ۔اعجاز مري, فيصلي لاءِ راضي ٿيا پ پ ضلع صدر سھيل اختر عباسي۔ ايم پي اي ممتاز چانڊيو جڏھن ٽيليفون تي نواب خان مري سان رابطو ڪيو ته نواب خان مري فيصلي کان سموري قيادٿ کي ٽپ جواب ڏنو جنھن تي اڳواڻن بشير مري ۽ اعجاز مري کي چيو ته نواب خان فيصلو نه ٿو ڪري توھان جي مرضي آ ڀلي احتجاج جاري رکو ان موقعي تي بشير مري ۽ اعجاز مري پي پي قيادت کان مطالبو ڪيو ته اسان به توھان جا ورڪر آھيو پوليس کي چئو ته اسان جي زمين تان قبضو ختم ڪرائي سڀاڻي اسان زرداري ھائوس نواب شاه ۔ڊي آء جي آفيس ۽ پريس ڪلب نواب شان اڳيان احتجاج ڪنداسين پوء بلاول ھائوس ان کان پوءِ شھيد بينظير جي مزار تي وينداسين مسئلو حل نه ٿيو ته ان کان پوء 14 آگسٽ تي ڊي سي آفيس نوشهرو فيروز اڳيان پاڻ ساڙينداسين ان جو ذميوار نواب مري۔ سھراب مري۔ غلام حيدر مري ۔تپيدار سھراب مري ۔اسٽنٽ مختيارڪار قادر داد مري۔ نوشهرو فيروز پوليس ۽ روينيو انتظاميا هوندي انهن تي داخل ڪئي وڃي ۔