گهارو ويجهو ٻن حادثن ۾ هڪ ڄڻو فوت، زال مڙس سميت 5 زخمي

191 views | 29th Jul 2025 • سنڌي خبرون

سوزوڪي ۽ لوڊر رڪشا ۾ ٽڪر، الطاف خاصخيلي فوت ٿي ويو

گهارو ويجهو ٻن حادثن ۾ هڪ ڄڻو فوت، زال مڙس سميت 5 زخمي

ٺٽو( محمد شفيق ڀٽي)گھارو لڳ ناريل فارم وٽ سوزوڪي ۽ رڪشا لوڊر ۾ زوردار ٽڪر ٿيڻ جي نتيجي ۾ سوزوڪي ڊرائيور الطاف ولد يعقوب خاصخيلي موقعي تي فوت ٿي ويو، جڏھن تہ ٻه ڄڻا ملير واسي در محمد بلوچ ۽ شيراز ڪورائي سخت زخمي ٿي پيا، فوتي جو لاش ۽ زخمين کي رورل ھيلٿ سينٽر گھارو منتقل ڪيو ويو آھي. ٻئي طرف ٻولھاري لڳ ٺٽو/حيدرآباد نيشنل ھاء وي تي ڄامشورو کان پنھنجي فيملي سان گڏ ڪار ۾ علي بحر پنھنجي گھر ويندڙ علي بحر واسي ايريگيشن کاتي ٺٽي جي ڪلرڪ ولي محمد سومرو جي ڪار کي ٽرڪ زوردار ٽڪر ھڻي ڪڍيو، جنھن جي نتيجي ۾ ولي محمد سومرو، سندس گهر واري ۽ سندس 11 سالہ نياڻي بطول فاطمہ سومرو سخت زخمي ٿي پيا آھن، جن کي علاج لاء حيدرآباد منتقل ڪيو ويو، جتان ولي سومرو جي گھر واري کي دماغ ۾ ڌڪ لڳڻ ڪري ونٽيليٽر خالي نہ ھجڻ ڪري کيس وڌيڪ علاج لاء ڪراچي ٽرامہ سينٽر منتقل ڪيو ويو آھي. جڏھن تہ ڪار مڪمل طور ختم ٿي ويئي آھي.