سنڌ جي نالي واري ليکڪ شاعر اديب ۽ صحافي شمشيرالحيدري جي 13هين ورسي ملهائي وئي

عوامي پريس ڪلب ملير جي عهديدارن ۽ ميمبرن طرفان چوڪنڊي قبرستان پهچي شمشير الحيدري جي مزار تي حاضري

ملير (رپورٽ: عبدالرشيد مورجھريو) ابليس کي چئي ڇڏيو سجدي جي تياري ڪري, سنڌ جي نالي واري ليکڪ شاعر اديب ۽ صحافي شمشيرالحيدري جي 13هين ورسي، عوامي پريس ڪلب ملير جي عهديدارن ۽ ميمبرن طرفان چوڪنڊي قبرستان پهچي سندس مزار تي حاضري، گلن جي چادر چاڙهي دعا گهري کيس سلامي پيش، اديب ۽ شاعر چندر ڪيسواڻي، اقبال ڪلمتي ۽ ٻيا موجود، تفصيل موجب ابليس کي چئي ڇڏيو سجدي جي تياري ڪري دنيا تي انا الحق جا اسرار کلن شايد سنڌ جي نالي واري ليکڪ شاعر اديب ۽ صحافي شمشيرالحيدري جي 13 ورسي جي موقعي تي عوامي پريس ڪلب ملير جي عهديدارن ۽ ميمبرن طرفان چوڪنڊي قبرستان پهچي سندس مزار تي حاضري ڀري گلن جي چادر چاڙهي سنڌ جي خوشحالي لاءِ دعا گهري کيس سلامي پيش ڪئي ان موقعي تي صحافين سميت اديب ۽ شاعر چندر ڪيسواڻي، اقبال ڪلمتي ۽ ٻيا موجود هئا جڏهن ته پريس ڪلب جي جنرل سيڪريٽري سيد عنايت علي شاهه، ايگزيڪيوٽو ڪميٽي ميمبر شهنشاهه چارڻ شمشيرالحيدري جا بيت ٻڌايا ان موقعي سامي ميمڻ ، عنايت شاھ جامي ميمڻ عبدالرشيد مورجھريو ۽ ٻين چيو ته شمشير الحيدريءَ کي سندس خدمتن جي مڃتا ۾ ڪيترائي ايوارڊ مليا آهن جن ۾ :پي ٽي وي ايوارڊ چار ڀيرا، پاڪستان جي حڪيمن جي ڪائونسل جا ٻه مڃتا اوارڊ ،سنڌي اڪيڊمي دهليءَ پاران مڃتا شيلڊ ،مارئي دهلي مڃتا اوارڊ ،سنڌ گريجوئيٽس ائسوسيئيشن پاران ٽرافي ۽ گولڊ ميڊل ،ڪراچي پريس ڪلب پاران مڃتا اوارڊ ،سنڌي ادبي سنگت سنڌ طرفان گولڊن جوبلي شيلڊ ۽ لائيف اچيومينٽ اوارڊ ،سنڌ اسيمبليءَ طرفان لائيف ٽائيم اچيومينٽ شيلڊ ،آرٽس ڪائونسل آف پاڪستان ڪراچيءَ طرفان مڃتا شيلڊ ،ثقافت کاتي سنڌ طرفان مڃتا شيلڊ ،سنڌ اطلاعات کاتي طرفان مڃتا اوارڊ ،ماهوار نئين زندگيءَ طرفان مڃتا اوارڊ ،اڪيڊمي آف ليٽرس طرفان مڃتا شيلڊ ،شاهه لطيف اوارڊ( 2012 )،ريڊيو پاڪستان حيدرآباد طرفان مڃتا اوارڊ ،سنڌ مدرسي طرفان مڃتا اوارڊ ،ايراني ڪلچرل سينٽر اينڊ اڪيڊميءَ طرفان مڃتا اوارڊ ۽ پرائيڊ آف پرفارمنس اوارڊ سميت ڪيترائي اوارڊ شامل آهن ۽ سنڌي لئنگئيج اٿارٽيءَ طرفان ساڻس ادبي ميڙاڪو پڻ مچايو ويو شمشير الحيدريءَ جي زندگيءَ جي آخر ۾ اکين جي نظر ختم ٿي وئي هن 10 آگسٽ 2012ع تي ڪراچيءَ ۾ وفات ڪئي سندس تدفين ڪراچيءَ جي تاريخي قبرستان چوڪنڊيءَ ۾ تاجل بيوس جي قبر جي ڀر ۾ ڪئي وئي ان موقعي تي پريس ڪلب جي عهديدارن طرفان تجويز ڏني وئي ته 13 ڊسمبر تي سنڌ جي اديب ۽ شاعر تاجل بيوس جي ورسي چوڪنڊي قبرستان ۾ ملائي ويندي