مٺياڻي واسي بيروزگاري سبب ڊگريون ساڙيندڙ نوجوان پريس ڪلب پهچي ويو

سنڌ صوبي اندر وڌندڙ ڪرپشن ۽ رشوت خوري جي ناسور جي ڪري حقدارن کي حق نه پيو ملي: ساجد چانڊيو

نوشهروفيروز (ڊ ر) نوشهروفيروز ۾ مٺياڻي واسي نوجوان ساجد چانڊيو پاران تعليمي سرٽيفڪيٽ ۽ ڊگريون ساڙڻ کان پوءِ پريس ڪلب پهتو جتي هن پريس ڪانفرنس ڪندي چيو آهي ته سنڌ صوبي اندر وڌندڙ ڪرپشن ۽ رشوت خوري جي ناسور جي ڪري حقدارن کي حق نه پيو ملي جنهن جي ڪري مليل سرٽيفڪيٽ ۽ ڊگرين کي ساڙيو آهي گريجوئيش ڪرڻ کان پوءِ به جيڪڏهن ميريٽ نه ۽ پئسن سان نوڪريون ملن ته پوءِ اهڙي تعليم ڪهڙي ڪم جي آهي هن چيو ته انتظاميا ۽ چونڊيل نمائندن جي بي حسي کي نظر ۾ رکندي ۽ مختلف کاتن ۾ ٽيسٽ پاس ڪرڻ جي باوجود چيو ويو ته سفارش يا پئسا هجن ته پوءِ نوڪري ملي سگهندي جيڪا سنڌ جي نوجوانن سان وڏي زيادتي آهي هن اعلا اختيارين کي اپيل ڪئي آهي ته سنڌ اندر بيروزگار نوجوانن کان ٽيسٽ وٺي انهن کي قابليت جي بنياد تي نوڪريون ڏنيون وڃن ته جيئن اسان جهڙن نوجوانن کي پنهنجو حق ملي سگهي