نوشهروفيروز ۾ ڀريا روڊ واسي پيرسن جو زال ۽ سندس ڀائرن خلاف احتجاجي مظاهرو

نوشهروفيروز (ڊ ر)نوشهروفيروز پريس ڪلب ۾ ڀريا روڊ جي وارڊ 4 رهواسي پيرسن حفيظ الله آرائين پنهنجي زال ۽ سالن جي ظلمن کان تنگ ميڊيا اڳيان دانهيندي چيو آهي ته منهنجي زال وسيم اختر جنهن مان مونکي 4 نياڻين ۽ هڪ پٽ جو اولاد آهي جن بهتر نموني خوشحال زندگي گذاري رهيا هئا سين ته اولاد جي رشتن تان زال جا مونسان اختلاف ٿي ويا هن چيو ته مون جتي اولاد جي شادي ڪرائڻ پئي چاهي ته اتي زال نه پئي ڪرڻ ڏني ۽ جتي زال پئي ڪئي ته مان راضي نه هئس جنهن معامري تان زال پنهنجي ڀائرن محمد احد ، محمد عابد ۽ چئن نامعلوم هٿياربندن سان گڏجي مونکي نشي واريون انجيڪشن لڳائي سنجهوري موالين جي علاج واري اسپتال داخل ڪرايو جيڪا وڏي زيادتي ڪئي وئي هن وڌيڪ چيو ته پورا 70 ڏينهن اتي داخل هيس 20 جون تي واپس گهر پهتس ته گهرواري کان هڪ لک 67 هزار روڪ ، گھر جا ڪاغذ ۽ چانديءَ جو منڊيون پڇيم ته هن رڙيون ڪيون جنهن بعد مان ايس ايس پي نوشھروفيروز کي سڄي معامري بابت درخواست ڏني جنهن ڀريا روڊ ٿاڻي تي موڪليو پر پوليس اڃان تائين انصاف ناهي ٿي سگهيو جنهن بعد سيشن ڪورٽ ۾ درخواست داخل ڪرائي ته جيئن گهر واري پاڻ ۾ سڌارو آڻي ۽ گڏجي رهي.