نوشهروفيروز ۾ ناري سان مبينا زيادتي جي ڪوشش ۽ گهر تي حملي خلاف احتجاج

96 views | 30th Jun 2025 • سنڌي خبرون

نوشهروفيروز ۾ ناري سان مبينا زيادتي جي ڪوشش ۽ گهر تي حملي خلاف احتجاج

نوشهروفيروز (رپورٽر) نوشهروفيروز ۾ ڳوٺ پريل سرگاڻي جي رهواسي ناري ارم سرگاڻي پنهنجي ماءُ صغرا سرگاڻي، ڀيڻ بابره سرگاڻي ۽ ڀيڻيوي خالد سرگاڻي سان گڏ مبينا زيادتي جي ڪوشش ڪندڙ جوابدارن جي گرفتاري لاءِ پريس ڪلب اڳيان احتجاجي مظاهرو ڪيو ان موقعي تي ميڊيا اڳيان دانهيندي ناري ارم سرگاڻي چيو ته گذريل ڏينهن مان پنهنجي گهر ۾ ستل هيس ۽ ڀيڻ بابره ڪپڙا ڌوئڻ ويل هئي ته جوابدار عرفان ۽ فاروق سرگاڻي ڪمري ۾ گهڙي آيا جن مونسان زيادتي جي ڪوشش ڪئي ته مون رڙيون ڪيون جنهن تي جوابدارن منهنجي وات تي هٿ ڏنو پر منهنجي ڀيڻ پهچي وئي ۽ جوابدار ڀڃي ويا هن چيو ته جنهن بعد 10 منٽن کان پوءِ جوابدار انصاف، عرفان ۽ فاروق 15 کان مٿي هٿياربند وٺي گهر تي حملو ڪيو جن اسان سمورن گهر ڀاتين تي ڪهاڙين ۽ لٺين جو وسڪارو لائي ڏنو جنهن سبب مان ۽ گهر ڀاتي زخمي ٿي پياسين هن وڌيڪ چيو ته واقعي خلاف اسان دانهن کڻي محبت ديرو ٿاڻي تي وياسين جتي اسان کي انصاف نه مليو هن ايس ايس پي نوشھروفيروز سميت ٻين وس وارن کان جوابدارن جي گرفتاري جو مطالبو ڪيو آهي