ڊي سي عمرڪوٽ نويد الرحمان لاڙڪ جي صدارت هيٺ ڊسٽرڪٽ بيس پرائيز اسسمينٽ ڪميٽي جو اجلاس

عمرڪوٽ (رپورٽ:ڪانجي مل رکيسر) ڊپٽي ڪمشنر عمرڪوٽ نويد الرحمان لاڙڪ جي صدارت هيٺ ڊسٽرڪٽ بيس پرائيز اسسمينٽ ڪميٽي جو اجلاس ڊپٽي ڪمشنر آفيس ۾ ڪوٺايو ويو، ان موقعي تي اجلاس ۾ ضلعي عمرڪوٽ ۾ راڻا چندر سنگھ نالي قائم ٿيندڙ مهراڻ انجنيئرنگ يونيورسٽي جي ڪئمپس لاءِ مختص ڪيل زمين جي اگهن جو جائزو وٺي قيمتون مقرر ڪيون ويون، اجلاس ۾ زمين جي جڳہ، مارڪيٽ ريٽ ۽ موجوده حالتن کي نظر ۾ رکندي فيصلو ڪيو ويو تہ تعليمي مقصد لاءِ فراهم ڪيل هن زمين جا اگھ مناسب ۽ منصفاڻي طريقي سان مقرر ڪيا وڃن، جيئن سرڪاري رڪارڊ ۾ درج ٿي سگهن، ان موقعي تي اجلاس ۾ مختيارڪار عمرڪوٽ اظھر علي چاچڙ جي پيش ڪيل رپورٽ مطابق راڻا چندر سنگھ نالي قائم مھراڻ يونيورسٽي جي ڪئمپس جي زمين جو ريٽ 400000 چار لک روپيا ھڪ ايڪڙ مقرر ڪرڻ جي تجويز ڏني وئي جنھن تي ڪميٽي جي سمورن ميمبرن اتفاق ڪيو ۽ فيصلو ڪيو ويو تہ ھڪ ايڪڙ زمين جو ريٽ 400000 لک روپيا مقرر ڪجي ٿو، ان موقعي تي اجلاس ۾ ڪميٽي جي ميمبرن ايڊيشنل ڊپٽي ڪمشنر ون عمرڪوٽ جاويد احمد ڏاھري، غلام اڪبر درس، شڪيل قائمخاني، سيد قمر شاھ، اسسٽنٽ ڪمشنر عمرڪوٽ رجب علي سٺيو، انفارميشن آفيسر محمد اسلم ڀٽي، لاڳاپيل سرڪاري کاتن جي آفيسرن، پبلڪ نمائندن ۽ ٻين اسٽيڪ هولڊرن پڻ شرڪت ڪئي.