ٺٽو ويجهو 4 ڄڻن پاران نينگر سان مبينا اجتماعي بدفعلي جو انڪشاف

احمد علي ترڪ، صمد ترڪ، جليل ۽ ارمان ترڪ پٽ کي بدفعلي جو نشانو بڻايو: اشرف سولنگي

ٺٽو(محمد شفيق ڀٽي)ڪينجهر پوليس جي حد ڳوٺ الھڏنو سولنگي جي رھواسي پورھيت اشرف سولنگي جي معصوم پٽ شريف سولنگي سان اتان جي رھواسي چئن ڄڻن احمد علي ترڪ، عبدالصمند ترڪ، جليل ترڪ ۽ ارمان علي ترڪ پاران مبينا جنسي ڏاڍائي جو نشانو بڻائي کيس گھر وٽ ڇڏي وڃڻ جو انڪشاف ٿيو آھي، ان سلسلي ۾ مبينا زيادتي جو شڪار بڻيل ڪينجھر ڍنڍ ڪناري ڳوٺ الجڏنو سولنگي جي رھواسي معصوم نينگر شريف سولنگي جي پيء اشرف سولنگي ڪينجھر ٿاڻي تي پنھنجي معصوم پٽ سان گڏ پھچي دانھيندي چيو تہ سندس معصوم پٽ شريف سولنگي کي اتان جي رھواسي وحشي صفت انسانن احمد علي ترڪ، عبدالصمند ترڪ، جليل ترڪ ۽ ارمان علي ترڪ قبرستان تي وٺي وڃڻ بھاني کڻي وڃي ساڻس مبينہ طور اجتماعي جنسي ڏاڍائي ڪري وڏي ناانصافي ڪئي آھي، جنھن ڪري ساڻس انصاف ڪري مذڪورہ سڀني جوابدارن خلاف رپورٽ درج ڪري کين ڪيفر ڪردار تائين پھچايو وڃي، ان موقعي تي ڪينجھر پوليس سمورن جوابدارن خلاف ڪينجھر ٿاڻي تي رپورٽ درج ڪري زيادتي جو شڪار بڻيل نينگر جو ميڊيڪل چيڪ اپ ڪرائڻ لاء ڪينجھر پوليس کان ليٽر حاصل ڪري کيس سول اسپتال مڪلي ۾ داخل ڪيو ويو آھي، زيادتي جي شڪار بڻيل معصوم نينگر شريف سولنگي جي والد اشرف سولنگي ايس ايس پي ٺٽو سميت سمورن وس وارن کان گھر ڪئي آھي تہ ساڻس انصاف ڪري سندس معصوم پٽ سان زيادتي ڪندڙ سمورن جوابدارن کي ڪيفر ڪردار تائين پھچايو وڃي. جيئن آئندہ ڪو ٻيو معصوم نينگر انھن جي شر کان محفوظ رھي سگھي.