گلشن حديد ۾ بئنڪ مان پئسا ڪڍرائي گهر ويندڙ پورهيت کان 10 لک مبينا ڦر

33 views | 16th Sep 2025 • سنڌي خبرون

بئنڪ مان نڪرندڙ مختيار علي سهتو هٿياربندن هٿان ڦرجي ويو، مائٽن سميت احتجاج

گلشن حديد ۾ بئنڪ مان پئسا ڪڍرائي گهر ويندڙ پورهيت کان 10 لک مبينا ڦر

ملير (رپورٽ: عبدالرشيد مورجھريو) گلشن حديد ۾ ڦر پورهيت 10 لک رپين کان هٿ ڌوئي ويٺو، زخمي حالت ۾ انصاف لاءِ احتجاج تفصيل موجب اسٽيل ٽائون ٿاڻي جي حد گلشن حديد الحبيب بينڪ لڳ ٻن نامعلوم موٽر سائيڪل سوار هٿياربندن پورهيت مختيار علي سھتو کي پسٽل جا ڀٽ هڻي زخمي ڪري ڇڏيو ۽ ڏيھ لک رپيا ڦري ڪري فرار ٿي ويا اطلاع موجب متاثر شھري بينڪ مان پئسا ڪڍي نڪتو ته موٽر سائيڪل سوار ڦورو سندس پويان لڳي ويا ۽ الحبيب بينڪ لڳ کيس نشانو بڻائي ڏهه لک رپيا ڦر ڪري فرار ٿي ويا ڦورون مزاحمت تي مختيار علي سهتو کي سخت تشدد جو نشانو پڻ بڻايو زخمي حالت ۾ متاثر شهري عوامي پريس ڪلب ملير پهچي احتجاج ڪيو ۽ انصاف جي گهر ڪندي هن چيو ته کلي عام ڦرن ۽ سبب پورهيتن جون زندگيون خطري ۾ آهن، پر پوليس ۽ لاڳاپيل ادارا مجرمن خلاف ڪو به قدم نه پيا کڻن ھن چيو ته سڄي زندگي جي جمع پونجي کان محروم ڪيو ويو آھي رپيو رپيو ڪري ٻچن جي ڇت ٺاھڻ لاء پورهيو ڪري پيٽ ڪٽي پيسا جمع ڪيا هئا هن آئي جي سنڌ ايس ايس پي ملير ۽ وس وارن کان مطالبو ڪيو ته سندس ايف آئي آر داخل ڪري ملوث ڦورن ڪري گرفتار ڪري ڦر ڪيل رقم واپس ڪرائي وڃي واقعي تي علائقي واسين به سخت احتجاج ڪندي چيو ته گلشن حديد ۽ ڀرپاسي جا علائقا ڏوهن جي آماجگاه بڻجي ويا آهن، هر روز ڦرن جا واقعا پيش اچن ٿا، پر انتظاميا هٿ تي هٿ ڌري ويٺي آهي هنن چيو اگر مختيار سهتو جي ايف آئي آر داخل ڪري ڦورون کي گرفتار نه ڪيو ويو ته عدالت جو درکڙڪايو ويندو