شڪارپور ۾ ڳوٺ شريف خروس واسي ٻوڏ متاثرن جو احتجاج، پوليس تي ٽن ڄڻن کي کنڀي گم ڪرڻ جو الزام

ٻوڏ سبب بند تي پناهه ورتي، پوليس سراج، ثناءُ الله ۽ دائم خروس کي کنڀي گم ڪيو آهي: الزام

شڪارپور(احسان ابڙو) شڪارپور لڳ ڳوٺ شريف خروس جا رھواسي ڳوٺاڻا مرد ۽ عورتون پوليس جي ظلمن کان تنگ ٿي شڪارپور پريس ڪلب پھتا جتي احتجاج ڪندڙن غلام شبير خروس,غلام حيدر خروس, عبدالحميد خروس مسمات شھزادي خروس ميڊيا آڏو دانھيندي پوليس مٿان الزام ھڻندي چيو تہ اسان درياھ جي چاڙھ سبب ڪچي مان پنھنجا گھر خالي ڪري جھلي بچاء بند تي لڏپلاڻ ڪري ٻوڏ کان بچي پھتا آھيون, پڪي تي پھچڻ سان ئي جھلي ڪلواڙي پوليس ۽ شريف خروس پوليس جي ايس ايڇ او سيد منير شاھ,پوليس اھلڪار نواز گھانگھرو ۽ ٻين اسان لاء رڻ ٻاري ڏنو آھي,پوليس بناجواز صبع سوير بند تي ڪاروائي ڪري اسان جا 3 مردن سراج خروس ثناءاللہ خروس,دائم خروس کي گرفتار ڪري کنڀي گم ڪيو ويو آھي,پوليس ڀڃن ڊاھ ڪري پڪي تي پيل سامان سونا زيور, روڪ رقم کڻي وئي آھي,ھنن چيو تہ اسان جي ڪنھن بہ مرد مٿان ڪو ڪيس داخل نہ ٿيل آھي ان باوجود پوليس ھڪ لک روپيہ ڀتو گھرڻ لاء تنگ ڪري رھي آھي,اسان مسڪين اڳئي ٻوڏ جا ماريل ماڻھو ويتر پوليس باھ ٻاري ڏني آھي, ھنن ڊي آء جي لاڙڪاڻو, ايس ايس پي شڪارپور کان گھر ڪئي تہ جھلي ڪلواڙي ۽ شريف خروس پوليس خلاف ايڪشن وٺي کنڀي گم ٿيل ماڻھو بازياب ڪرائي پوليس جي ظلمن کان بچايو وڃي.