شڪارپور ۾ تيز رفتار مزدا ٿنڀي سان ٽڪرائجڻ بعد روڊ ڪناري جهوپڙي اڏي ويٺلن مٿان چڙهي وئي، عورتن ۽ ٻارڙن سميت 7 گهرڀاتي فوت، ڪيترائي زخمي

شڪارپور (احسان ابڙو) شڪارپور ۾ روڊ حادثو جنھن جي نتيجي ۾ 07 ماڻهو فوت ٿي ويا,ڪيترائي ماڻھو زخمي ٻڌايو پيو وڃي تہ شڪارپور جي ڪندن باء پاس چورنگي وٽ روڊ حادثو پيش آيو آھي حادثي ۾ معصوم ٻارن عورتن سميت 7 ماڻھو فوت ٿيا جن ۾ غيني ڌيء نواب,رابعہ زال ڪيني, ريما,سعديہ ڌيء ڪيني,امان اللہ پٽ جبار,راشدہ,پٺاڻي ڌيء ڪيني شامل آھن,جڏھن تہ ھوڏانھن واقعي واري ھنڌ موجود اکين ڏٺل شاھدين موجب تہ حادثو تيز رفتاري سبب پيش آيو آھي,تيز رفتار مزدا ڊرائيور جي ڪنٽرول مان نڪري بجلي جي پول سان ٽڪرائجڻ بعد سامھون روڊ ڪناري جھوپڙيون اڏي ويٺل ٻالي شاھي شيخ قبيلي جي ماڻهن مٿان چڙهي وئي,ڪيترائي ماڻهوَ مزدا ھيٺيان دٻجي زخمي ٿي پيا,حادثي وقت ڪافي عورتون ۽ معصوم ٻار جھوپڙين اندر موجود ھئا جتي ھو زخمي ٿي پيا آھن,مزدا ھيٺيان دٻجي فوت ٿيلن ۽ زخمين کي ريسڪيو عملدارن توڙي علائقي واسين ۽ پوليس ٻاھر ڪڍي سول اسپتال منتقل ڪيو, جتي زخمين کي طبي امداد ڏني وئي جڏھن تہ فوتين جا مڙھ ضروري ڪاروائين بعد وارثن حوالي ڪيا ويا,ھوڏانھن پوليس ٻڌايو تہ ھي حادثو اچانڪ پيش آيو آھي,رات جو ٽائيم ھو چورنگي کان ڪراسنگ دوران گاڏي ڊرائيور جي ڪنٽرول کان نڪري بجلي جي پول سان ٽڪرائجي وئي جنھن ۾ وڏو جاني نقصان پھتو آھي,پوليس مزدا گاڏي کي تحويل ۾ وٺي ڇڏيو آھي,جڏھن تہ ڊرائيور حادثي بعد فرار ٿي ويو آھي,جلد اھي بہ قانون جي گرفت ۾ ھوندا ھوڏانھن فوتين جا مڙھ سول اسپتال جي مردہ خاني ۾ پيل رھيا ضلعي انتظاميا طرفان فوتي خانابدوشن جا مڙھ ضروري ڪاروائي بعد غسل ۽ ڪفن جو بندوبست ڪري فوتين جي جنازي نماز ادا ڪرڻ بعد کيس چڻڱي مقام قبرستان ۾ تدفين ڪئي ويندي.