نوشهروفيروز ۾ صحافين طفيل رند ۽ امتياز مير جي قتل وارن واقعن خلاف مظاهرو

ڪراچي ۾ قتل ٿيل امتياز مير ۽ ميرپورماٿيلو ۾ قتل ٿيل طفيل رند جي قاتلن کي بنا دير گرفتار ڪيو وڃي: قلم ڌڻي

نوشهروفيروز (رپورر) نوشهروفيروز ۾ گهوٽڪي جي صحافي طفيل رند ۽ مير امتياز جي قاتلن جي گرفتاري لاءِ احتجاجي مظاهرو ڪيو ويو جنهن جي اڳواڻي سنڌ جرنلسٽس ڪائونسل جو مرڪزي صدر قاضي ذوالفقار زائر ، پريس ڪلب جو صدر محمد يونس راڄپر ، نيشنل پريس ڪلب جو صدر ايم ظفر تڳر ، مسرور چانڊيو، ايم اقبال راڄپر عطاحسين سمون ۽ ٻيا ڪري رهيا هئا جن نعريبازي به ڪئي ان موقعي تي ميڊيا سان ڳالهائيندي چيو قلم ڌڻين چيو ته پ پ سرڪار هڪ طرف ملڪ ۾ جمهوريت ۽ صحافت جي آزادي جي ڳالھ ڪري رهي آهي ته ٻئي طرف صحافين کي ٽارگيٽ ڪري قتل ڪيو پيو وڃي جيڪو عمل قلم ڌڻين لاءِ هاڻي ناسور بڻجندو پيو وڃي هنن چيو ته تازو ڪراچي ۾ مير امتياز کي قتل ڪيو ويو ان جو درد سيني ۾ ئي هو ته وري گهوٽڪي ۾ صحافي طفيل رند کي گوليون هڻي قتل ڪيو ويو آهي اهڙي واقعي جي سخت لفظن مذمت ڪجي ٿي ۽ سرڪار کان گهر ٿا ڪريون ته مير امتياز ۽ طفيل رند جي قاتلن کي جلد کان جلد گرفتار ڪيو ويو ٻي صورت سخت احتجاج ڪيو ويندو