اسلام آباد (ویب ڈیسک) نیشنل الیکٹرک پاور ریگولیٹری اتھارٹی (نیپرا) نے کے الیکٹرک پر ڈھائی کروڑ روپے کا جرمانہ عائد کر دیا ہے۔
نیپرا کے مطابق، یہ جرمانہ جنوری 2023 میں پاور بریک ڈاؤن کے بعد بحالی میں ناکامی پر لگایا گیا ہے۔
نیپرا کا کہنا ہے کہ کے الیکٹرک اپنی آپریشنل ذمہ داریاں ادا کرنے میں ناکام رہا، بار بار ٹریپنگ سے ظاہر ہوا کہ بلیک اسٹارٹ فیسلٹی کی موک ٹیسٹنگ میں کمی تھی۔
کے الیکٹرک کو 15 دن کے اندر جرمانے کی رقم بینک میں جمع کرانے کا حکم دیا گیا ہے۔
دوسری جانب، کے الیکٹرک کے ترجمان نے کہا ہے کہ جنوری 2023 میں این ٹی ڈی سی سسٹم میں خرابی کے باعث پاور بریک ڈاؤن پر کے الیکٹرک کو جرمانہ عائد کرنا باعث حیرت ہے۔ ہم فیصلے کا تفصیلی جائزہ لے رہے ہیں، جس کے بعد آئندہ کی حکمت عملی طے کی جائے گی۔
0 تبصرے