نوشهروفيروز ۾ جشن آزادي جي حوالي سان ڊگري ڪاليج گرائونڊ تي ڪرڪيٽ ميچ منعقد

ڊي سي محمد ارسلان سليم جي ٽيم 30رنسن سان چيئرمين ضلعي ڪائونسل جي ٽيم کان کٽي ورتو

نوشهروفيروز (ڊ ر)پاڪستان جي 78 هين آزادي جي ڏينهن جي جشن جي سلسلي ۾، ضلعي انتظاميا پاران گورنمينٽ ڊگري ڪاليج نوشهروفيروز جي گرائونڊ تي ڪرڪيٽ ميچ جو انعقاد ڪيو ويو. ڊپٽي ڪمشنر نوشهروفيروز محمد ارسلان سليم، چيئرمين ضلعي ڪائونسل سهيل اختر عباسي، ايس ايس پي نوشهروفيروز روحل خان کوسو، ايڊيشنل ڊپٽي ڪمشنر صدام حسين ميمڻ، چيئرمين ميونسپل ڪميٽي نوشهروفيروز ڊاڪٽر ڪاشف مصطفيٰ ميمڻ، اسسٽنٽ ڪمشنر مورو محمد مستقيم قريشي ۽ ٻين معزز مهمانن ڪرڪيٽ ميچ ڏٺو. ڊپٽي ڪمشنر جي ٽيم 30 رنسن سان ميچ کٽيو، جڏهن ته چيئرمين ضلعي ڪائونسل جي ٽيم رنر اپ ٽيم رهي. ميچ جي آخر ۾، فاتح ٽيم، رنر اپ ٽيم ۽ مين آف دي ميچ رانديگرن کي نقد انعام ۽ ٽرافيون ڏنيون ويون. ميچ ۾ موجود آفيسرن چيو ته راندين جي واڌاري نوجوانن ۾ مثبت سوچ کي فروغ ڏئي ٿي ۽ راندين جون سرگرميون بيمارين کان به بچائين ٿيون، تنهن ڪري اهڙيون صحتمند سرگرميون جاري رهڻ گهرجن.