ٺٽو ضلعي ڪائونسل جي چيئرمين پاران برساتي ايمرجنسي دوران هدايتون جاري

209 views | 20th Aug 2025 • سنڌي خبرون

برساتن سبب شهري توڙي ڳوٺاڻي علائقن ۾ پاڻي جي نيڪال لاءِ عملي کي الرٽ ڪيو وڃي: عبدالحميد پنھور

ٺٽو ضلعي ڪائونسل جي چيئرمين پاران برساتي ايمرجنسي دوران هدايتون جاري

ٺٽو( شفيق ڀٽي) برساتي ايمرجنسي صورتحال کي منهن ڏيڻ لاءِ ضلعي ڪائونسل ٺٽو جي چيئرمين عبدالحميد پنھور پاران لوڪل گورنمينٽ جي عملدارن کي سخت هدايتون جاري ڪندي ضلعي ڪائونسل جي چيئرمين عبدالحميد پنھور چيو آھي تہ برساتن سبب شهري توڙي ڳوٺاڻي علائقن ۾ پاڻي جي نيڪال لاءِ عملي کي 24 ڪلاڪ الرٽ موڊ تي رکي نالا ۽ نيڪال وارا رستا کلا رکيا وڃن تہ جيئن عوام کي تڪليف نہ ٿئي. هن چيو تہ ايمرجنسي حالتن ۾ پاڻي جي نيڪال، بجلي جي فراهمي ۽ صحت جون سهولتون ترجيحي بنيادن تي مهيا ڪيون وڃن. چيئرمين ضلعي ڪائونسل ٺٽو عبدالحميد پنھور وڌيڪ چيو تہ عملدارن جي لاپرواهي برداشت نہ ڪئي ويندي، ماڻهن جي جان ۽ مال جي تحفظ کي يقيني بڻايو وڃي. هن لاڳاپيل ادارن کي بہ هدايت ڪئي ته ھو ڪنهن به هنگامي صورتحال ۾ عوام جي فوري مدد ڪرڻ سان گڏ ايمرجنسي سينٽرن ۾ عملي جي حاضري کي يقيني بڻايو وڃي.