درٻيلو ڀرسان ٻن نينگرن سميت 3 ڄڻا ٻڏي فوت، ٻن ڪلاڪن جي ڳولا بعد لاش هٿ

نوشھروفيروز (ڊ ر) درٻيلو ڀرسان ڳوٺ سبب ابڙو ۾ 3 ڄڻا درياء ۾ ٻڏي فوت۔ سنڌو درياء ڪپ تي 2 نينگر وهجندي ٻڏڻ دوران نينگرن کي بچائيندي ڳوٺاڻو به فوت سنڌ حڪومت جي هاء الرٽ ۽ حڪم نامه ضلعي انتظاميان هوا ۾ اڏاري ڇڏيا ٻوڏ الرٽ هوندي ضلعي جي مختلف کاتن سان لاڳاپيل آفيسر فوٽو سيڪشن بعد آفيسن ۾ اگهور ننڊ ۾ ستل۔ درٻيلو ڀرسان ڳوٺ سبب ابڙو وٽان سنڌو درياء 3 ڄڻا ٻڏي فوت فوتين ۾ 25 سالا نصير ابڙو 10 سالا شاهن گوپانگ 12 سالا معراج گوپانگ شامل۔ علائقي واسين موجب ته ٻوڏ الرٽ بعد ايمرجنسي ريسڪو ٽيم موجود نه هجڻ ڪري نوجوان درياء جي پاڻي ۾ تڙپي تڙپي ٻڏي فوت ٿي ويا جڏنهن نوجوانن کي مقامي اسپتال درٻيلو آندو ويو ته اسپتال ۾ ايمرجنسي طور ڊاڪٽر نه هجڻ ڪري فوتين کي تعلقه اسپتال ڪنڊيارو اسپتال منتقل ڪيو ويو ۔ نوجوان جا لاش ڳوٺ پهچڻ بعد گهر ۾ ڪهرام متل هر طرف ڏک جي لهر ڇانيل انتظاميان جي غفلت سبب ۽ اسپتال ۾ ڊاڪٽر نه هجڻ ۽ ريسڪو ٽيم موجود نه هجڻ ڪري نوجوان فوت ٿيا۔ وارثجو احتجاج۔فوتي جي وارثن پاران وزيراعلي سنڌ کان غفلت ڪندڙ عملي خلاف فوري طور ڪاروائي جو مطالبو ۔