نوشهروفيروز ۾ ناري جو مڙس سان گڏ والدين خلاف احتجاج

32 views | 11th Sep 2025 • سنڌي خبرون

والدين 2مهينا اڳ جواد عباسي سان شادي ڪرائي، هاڻي ڌار ڪرائڻ جي ڪوشش ڪري رهيا آهن: ريشمان ڪلو

نوشهروفيروز ۾ ناري جو مڙس سان گڏ والدين خلاف احتجاج

نوشهروفيروز (ڊ ر) نوشهروفيروز ۾ ڳوٺ خدا بخش ڪلهوڙو جي رهواسي شادي شده جوڙي ناري ريشمان پنهنجي مڙس جواد عباسي سان گڏ پريس ڪلب پهچي ميڊيا سان ڳالهائيندي ناري ريشمان ڪلو چيو آهي ته 2 مهينا اڳ منهنجي پيءُ علي شير ڪلو ماءُ ۽ ڀائرن پنهنجي مرضي سان جواد عباسي سان نڪاح ڪرايو جنهن کان پوءِ هو لالچ ۾ اچي ويا آهن ۽ مڙس کي ڇڏڻ لاءِ زور ڀري رهيا آهن ۽ ٻئي هنڌ پرڻائڻ چاهين پيا هن چيو ته مان مڙس سان رهڻ ٿي چاهيان مائٽن هٿ سان پرڻائي ڏنو مڙس سان گڏ رهڻ ٿي چاهيان مائٽ هاڻي ڌمڪيون ڏئي رهيا آهن پيءُ علي شير ڪلو ڀاءُ شاھد ،مير محمد، حضور بخش، منٺار مشوري، مظهر مري وارن مان جان جو خطرو آهي هن وڌيڪ چيو ته پيءُ علي شير ڪلو منهنجي مڙس جواد علي عباسي تي ڪوڙا ڪيس داخل ڪرائي پيو جيڪي ڪوڙا ئي سمجهيا وڃن هن چيف جسٽس سنڌ هاءِ ڪورٽ، آءِ جي پي سنڌ، ڊي آءِ جي پي شهيد بينظير آباد، سيشن جج نوشهروفيروز ۽ ايس ايس پي نوشھروفيروز کي اپيل ڪئي ته ڌمڪيون ڏيندڙ مائٽن خلاف قدم کڻي ڪوڙا ڪيس ختم ڪري تحفظ فراهم ڪيو وڃي