عمرڪوٽ ۾ نايئس ڪيئر ميڊيڪل سينٽر پاران مفت ميڊيڪل ڪئمپ قائم

عمرڪوٽ(رپورٽ:ڪانجي مل رکيسر)عمرڪوٽ نايئس ڪيئر ميڊيڪل سينٽر پاران هڪ ڏينهن جي مفت ميڊيڪل ڪئمپ لڳائي مريضن جو مفت چڪاس ڪري مفت دوائون ڏنيون ويو عمرڪوٽ ۾ نايئس ڪيئر ميڊيڪل سينٽر پاران هڪ ڏينهن واري مفت ميڊيڪل ڪئمپ ۾ مختلف بيمارين جي ماهر ڊاڪٽرن ۽ ڊاڪٽرياڻين ڊاڪٽر جلوه نرگس، ڊاڪٽر چمن داس، ڊاڪٽر ڪمليش ڪمار مالهي، ڊاڪٽر محمد اعظم آرائين، ڊاڪٽر ڪپيل ديو مالهي، ڊاڪٽر خان محمد خاصخيلي، ڊاڪٽر ڪانجي اين پيراٽي ۽ ڊاڪٽر ريڪا وانڪواٽي سميت ٻين ماهر ڊاڪٽرن پاران مريضن جو مفت چڪاس ڪري مريضن جون بلڊ پريشر، شوگر، هڏن، دل، ٻارن، عورتن ۽ چمڙي جي بيمارين جي جاچ لاءِ مختلف ٽيسٽون ڪري مريضن کي علاج بابت صلاحون ڏيڻ سان گڏ ضرورت موجب مفت دوائون پڻ مهيا ڪيون. ڪئمپ ۾ سوين مرد، عورتون ۽ ٻار شامل ٿيا، جن پنهنجي صحت جي جاچ ڪرائي نايئس ڪيئر ميڊيڪل سينٽر جي انتظاميا جو چوڻ هو ته اهڙين ڪئمپن جو مقصد علائقي جي غريب ۽ ضرورت مند ماڻهن کي صحت جون بنيادي سهولتون فراهم ڪرڻ آهي، جيئن اهي بغير خرچ جي پنهنجي بيمارين جو علاج ڪرائي سگهن عوام پاران نايئس ڪيئر ميڊيڪل سينٽر جي هن قدمن کي ساراهيو ويو ۽ مطالبو ڪيو ويو ته اهڙيون ڪئمپون باقاعدي طور تي لڳايون وڃن ته جيئن علائقي ۾ صحت جي سهولتن ۾ وڌيڪ بهتري اچي.