سامارو شھر ۾ اي سي سنجي ڪمار ترڪيو پاران کلي ڪچري منعقد

کلي ڪچهري ۾ شھرين پاران پنھنجون شڪايتون پيش ڪيون ويون

عمرڪوٽ (رپورٽ:ڪانجي مل رکيسر) سامارو روڊ شھر ۾ اي سي سامارو سنجي ڪمار ترڪيو پاران کلي ڪچري منعقد ڪئي وئي، ان موقعي تي شھرين پاران پنھنجون شڪايتون پيش ڪيون ويون، تفصيلي خبر موجب اسسٽنٽ ڪمشنر سامارو سنجي ڪمار ترڪيو پاران منتقد ڪيل يوسي سامارو روڊ آفيس ۾ روينيو ڊپارٽمينٽ جي سيل سرٽيفيڪٽ، فوتي کاتي بدل، بينڪ گروي لاهڻ، داخلا رکڻ، سالونسي ۽ ٻين قانوني جائز مسئلن جي فوري حل جي لاءِ بلديات ۽ ٻين مختلف صوبائي کاتن جون شڪايتون ٻڌڻ جي لاءِ ھڪ کلي ڪچري ڪري ماڻھن جا مسئلا ۽ شڪايتون ٻڌيون ويون، ان موقعي تي مختيارڪار سامارو آصف ڪالرو، سنڌ تپيدار ايسوسيشن جي ڊويزن جي صدر سيد جاويد حسين شاھ، پ پ جي سينئر اڳواڻ ۽ ضلعي ميمبر ڊاڪٽر نظير احمد ڀرڳڙي، واپاري ايسوسيشن جي سينئر نائب صدر بلال جان قائمخاني، سامارو روڊ جي واپاري ايسوسيشن جي اڳواڻ سيٺ مگهن لعل، سيٺ عابد قائمخاني، آبادگار اڳواڻ حاجي اقبال ڪپري، حاجي صحبت ڌونڪائي،مولوي اسلم راجپوت، سيٺ غلام نبي آرائين، سليم راجپوت ۽ ٻين معززين شرڪت ڪئي، کلي ڪچري دوران پوليس جي حوالي سان شھر ۾ آئيس، سفينا، منشيات سرعام هلڻ، چورين جون وڌندڙ وارداتون، بلديات جي حوالي سان شھر ۾ حدخلين جو آزار، وچ شھر ۾ رڪشا جو آزار، ڪتار مار، مڇرمار اسپري ڪرڻ، گٽر نالي جي صفائي ڪرڻ، پبليڪ هيلٿ جي پيئڻ جو صاف پاڻي نه ملڻ، صحت کاتي بابت دوائون نه ملڻ، ايمولنس موجود باوجود مريضن کي نه ملڻ، نادرا سامارو جي عملي پاران ٽوڪن نه ملڻ ۽ عوام سان اڊنگو روييو رکڻ، شھر ۾ بجلي جي لوڊ شيڊنگ، ڊڊيڪشن بل خلاف ۽ شھر ۾ کنڊ، اٽو ۽ روزمراه جون شيون مهانگي اگھ تي وڪرو ڪرڻ، روينيو کاتي بابت سيل سرٽيفيڪٽ، فوتي کاتي بدل، سالنونسي، داخلا رکڻ، بينڪ گروي لاهڻ ۽ روينيو جي ٻين مسئلن بابت ماڻھن جا مسئلا ٻڌي فوري حل ڪرڻ لاء مختيارڪار سامارو ۽ لاڳاپيل حد جي تپيدارن کي هدايتون ڏنيون، جڏھن ته سيٺ مگهن لعل ۽ سيٺ عابد قائمخاني ۽ ٻين معززين شھرين اسسٽنٽ ڪمشنر سنجي ڪمار کي کلي ڪچري دوران مطالبو ڪيو ته يونين ڪائونسل سامارو روڊ کي ٽائون ڪاميٽي جو درجو ڏيارڻ لا۽ مٿي اعلئ آفيسرن کي لکي ٽائون جو درجو ڏياريو وڃي ته جئين شھر جا سمورا مسئلا حل ٿي سگهن ۽ اهو پڻ مطالبو ڪيو ته سامارو روڊ ۾ پوليس پوسٽ ھجڻ باوجود ٽي چار پوليس اهلڪار مقرر ٿيل آھن وڌيڪ پولييس اهلڪار جي لاء ڊي سي عمرڪوٽ، ايس ايس پي عمرڪوٽ ۽ ڊي آئي جي ميرپورخاص کي خط لکي 20 کان وڌيڪ نفري لاء لکڻ جي گهر ڪئي ته جيئن وڌندڙ بدامني جي روڪ ٿام ٿي سگهي، ان موقعي تي اسسٽنٽ ڪمشنر سنجي ڪمار ترڪيو کلي ڪچهري کي خطاب ڪندي چيو ته اوهان جا مسئلا جائز آھن جنهن جي حل لاء آئون پنهنجي بالا آفيسرن کي لکي ترجيح بيادن تي حل ڪرائڻ جي ڪوشش ڪندس ۽ ٻيهر جلد کلي ڪچري ڪئي ويندي جنهن ۾ سڀئي لاڳاپيل کاتن جي آفيسرن جي شرڪت ڪرائي سمورا مسئلا حل ڪيا ويندا، هن واپارين کي روزمراه جو شيون سرڪاري ريٽ تي وڪرو لاء ھدايتون ڪيون ۽ حدخلين کي پاڻ مرادو ختم ڪن، شھر ۾ پرائيويٽ چوڪيدار ۽ سي سي ٽي وي ڪيمراه لڳائين ته ڪا حادثو يا ڏوھ نه ٿي سگهي، ان دوران حد جي تپيدار ۽ مرڪزي صدر تپيدار ايسوسيشن سيد علي قطب شاھ، يوسي هيڊ ڪلارڪ اسلم ڪپري، ڪلارڪ حسنين بلوچ ۽ ٻيا آفيسر، ملازم ۽ معزيز شھري موجود هئا.