ڏوڪري؛ ڳوٺ محرابپور وٽ مبينا مقابلو، پوليس پاران ڏوهاري ساٿي جتوئي کي مارڻ جي دعويٰ

126 views | 24th Nov 2025 • سنڌي خبرون

ڏوڪري؛ ڳوٺ محرابپور وٽ مبينا مقابلو، پوليس پاران ڏوهاري ساٿي جتوئي کي مارڻ جي دعويٰ

ڏوڪري( اطهر ميمڻ) ڏوڪري ڀرسان ڳوٺ محراب وٽان مختلف ڪيس ۾ گهربل جوابدار ساٿي جتوئي مبينا پوليس مقابلي ۾ مارجي ويو. ايس ايس پي لاڙڪاڻو احمد فيصل چوڌري جي اڳواڻي ۾ محراب پور وٽ مخلتف ڪيسن ۾ گهربل جوابدار ساٿي جتوئي سندس ساٿين سان مقابلو ٿي مقابلي ۾ گولي لڳڻ سبب پوليس اهلڪار شهزاد کرل زخمي ٿي پيو جڏهن ته مختلف ڪيسن ۾ گهربل جوابدار ساٿي جتوئي مارجي ويو، مقتول جو لاش ڏوڪري اسپتال پوسٽ مارٽم لاءِ آندو ويو. لاڙڪاڻو پوليس موجب محراب پور وٽ بدنام ڏوهاري ساٿي جتوئي ساٿين سان گڏجي ڏوھ ڪرڻ جي اداري ۾ هئا ته پوليس سان مقابلو ٿي پيو، جنهن ۾ پوليس اهلڪار شهزاد کرل زخمي ٿي پيو آهي، جڏھن ته پوليس مقابلي ۾ بدنام ڏوهاري ساٿي جتوئي مارجي ويو آهي جڏهن ٻيا جوابدار فرار ٿي ويا آهن. ٻئي طرف ايس ايس پي لاڙڪاڻو احمد فيصل چوڌري صحافين کي ٻڌايو ته مارجي ويل ڏوھاري ساٿي جتوئي شھيد انسپيڪٽر مير محمد کوسو جي قتل ۾ مک جوابدار ھئو، جڏھن ته مٿس 108 ڪيس داخل ھئا ۽ گھرو کاتي طرفان مٿس 50 لک انعام مقرر ٿيل ھئو.