شازيه خُشڪ جي ڌيءَ سنڌ راڻي پهريون ڀيرو ايڪتا ڏهاڙي جي تقريب ۾ گيت ڳايو

ناليواري گلوڪارا شازيه خشڪ جي ڌيءَ سنڌ راڻي انگريزي گيت ڳائي گلوڪاريءَ جي شروعات ڪري ڇڏي

ڪراچي(اسٽاف رپورٽر) ناليواري گلوڪاره شازيه خُشڪ جي ڌيءَ سنڌ راڻي پهريون ڀيرو ايڪتا ڏهاڙي جي تقريب ۾ انگريزي گيت ڳائي گلوڪاريءَ جي شروعات ڪري ورتي. ان موقعي تي ميڊيا سان ڳالهائيندي سنڌ راڻي چيو ته منهنجي هن انگريزيءَ جي گيت ۾ سنڌ بابت ايڪتا جي تاريخ ۾ پهريون ڀيرو سنڌ جي باري ۾ لطيف، سنڌو درياءَ، موهن جو دڙو، دولهه درياءَ خان، هوشو ۽ سنڌ جي ڪروڙين ماڻهن جي باري ۾ مون هي انگريزي گيت ڳايو آهي، ملڪ ۾ دنيا جا 200 ملڪن جا سفير ۽ انهن جو اسٽاف رهي ٿو، انهن کي سنڌي ڪونه ٿي اچي، جنهن جي ڪري مون هي انگريزيءَ ۾ گيت ڳايو آهي، ڇو ته هي گيت انگريزيءَ ۾ آهي جيڪو انهن کي سمجهه ۾ ايندو. سنڌ واسين جي ٿورائتي آهيان جن منهنجي هن گيت پرفام ڪرڻ دوران تمام سُٺي موٽ ڏني.