ملير: ميمڻ ڳوٺ ۾ ڦر دوران مزاحمت تي نوجوان زخمي، وارثن جو احتجاج

51 views | 23rd Oct 2025 • سنڌي خبرون

ڦورن جي فائرنگ ۾ يعقوب ولد حاجي ملاح زخمي ٿي پيو، کين اسپتال منتقل ڪيو ويو

ملير: ميمڻ ڳوٺ ۾ ڦر دوران مزاحمت تي نوجوان زخمي، وارثن جو احتجاج

ملير (رپورٽ: عبدالرشيد مورجھريو) ملير جي علائقي ميمڻ ڳوٺ لڳ بخشاڻي ڳوٺ نمبر 8 بس اسٽاپ جي ويجهو ڦر تي مزاحمت دوران فائرنگ جي نتيجي ۾ نوجوان يعقوب ولد حاجي ملاح زخمي ٿي پيو۔ پوليس موجب فائرنگ ان وقت ٿي جڏهن هٿياربند ڏوهاري شهرين کان ڦرلٽ ڪرڻ جي ڪوشش ڪئي، مزاحمت تي ڏوهارين فائرنگ ڪري ڇڏي جنهن سبب 19 ورهين جو يعقوب زخمي ٿي پيو۔ زخمي کي فوري طور جناح اسپتال منتقل ڪيو ويو جتي کيس طبي امداد فراهم ڪئي پئي وڃي۔واقعي کان پوءِ ميمڻ ڳوٺ پوليس علائقي جو گهيرو ڪري گهٽيون سيل ڪري ڇڏيون ۽ ڏوهارين جي ڳولا لاءِ سرچ آپريشن شروع ڪيو۔ ٻئي پاسي زخمي جي وارثن ڪاتهوڙ جي ويجهو احتجاجي مظاهرو ڪيو ۽ مطالبو ڪيو ته فائرنگ ۾ ملوث ڏوهارين کي جلد گرفتار ڪيو وڃي۔ پوليس عملدارن جو چوڻ آهي ته واقعي بابت جاچ جاري آهي