ملير واسي نوجوان ڪينجهر ڍنڍ ۾ ٻڏي فوت، 10 ڪلاڪن بعد لاش هٿ

45 views | 27th Oct 2025 • سنڌي خبرون

ڪينجهر ڍنڍ تي گهمڻ جي لاءِ ويل 16 ورهين جو بلال نوحاڻي دوستن سان گڏ وهنجڻ دوران ٻڏي ويو

ملير واسي نوجوان ڪينجهر ڍنڍ ۾ ٻڏي فوت، 10 ڪلاڪن بعد لاش هٿ

ملير (رپورٽ: عبدالرشيد مورجھريو) گمهڻ تي ويل ملير واسي نوجوان ڪينجهر ڍنڍ ۾ ٻڏي فوت، 10 ڪلاڪن جي ڳولا بعد لاش هٿ، اطلاع ملڻ شرط گهر ۾ ڪهرام مچي ويو. ملير جي خدابخش نوحاڻي ڳوٺ جو رهواسي 16ورهين جو نوجوان بلال ولد واحد بخش نوحاڻي گذريل ڏينهن پنهنجي دوستن سان گڏ ڪينجهر ڍنڍ تي تفريحي ڪرڻ لاء ويو هو جتي هو ڍنڍ ۾ ٻڏي فوت ٿي ويو 10ڪلاڪن جي ڳولا بعد سندس لاش ھٿ آيو جنهن کي ملير جي خدابخش نوحاڻي ڳوٺ پهچايو ويو جتي سندس آخري رسمون ادا ڪيون ويون نوجوان بلال نوحاڻي جي ميت کڄڻ دوران ماحول سوڳوار ٿي ويو، جڏهن⁠ ته سندس اوچتي وفات تي سڄي علائقي ۾ سوڳ واري فضا ڇانيل آھي جنازي نماز ۾ سماجي اڳواڻ سيد خدا ڏنو شاهه، ڪريم بخش نوحاڻي، ٽائون ميمبر هاشم لاشاري، رحيم جوکيو، فيض محمد لاشاري، حاڪم الدين جوکيو، عوامي پريس ڪلب ملير جي جنرل سيڪريٽري عنايت شاهه سميت وڏي تعداد ۾ سياسي، سماجي اڳواڻن ۽ علائقي واسين شرڪت ڪئي نوجوان کي ملير جي تاريخي قبرستان چوڪنڊي ۾ مٽي ماءُ حوالي ڪيو ويو،