شڪارپور جي ڪچي ۾ پراڻي تڪرار تان فائرنگ ۾ نينگر قتل، هڪ ڄڻو زخمي

فائرنگ جي نتيجي ۾ 10 ورهين جو انور پٽ ظهير مصراڻي مارجي ويو، ڪريم بخش زخمي ٿي پيو

شڪارپور (احسان ابڙو ) شڪارپور جي ڪچي واري علائقي شاھ ٻيلي ۾ مصراڻي برادري جي ٻن ڌرين ۾ فائرنگ، 10 ورهين جو نينگر قتل تفصيل موجب شاھ ٻيلي ڪچي ۾ مصراڻي برادري جي ٻن ڌرين وچ جهيڙو ٿيو، جنهن دوران فائرنگ جي نتيجي ۾ 10 ورهين جو نينگر انور پٽ ظهير مصراڻي مارجي ويو.اهو واقعو قادراپور ٿاڻي جي حد، شاهه ٻيلي ۾ ٿيو، جتي منير مصراڻي ۽ عبدالسميع مصراڻي جي ڌرين وچ ڇڪتاڻ ۽ فائرنگ ٿي.واقعي دوران عبدالسميع ڌر جو 30 ورهين جو ڪريم بخش پٽ ملهار مصراڻي به سخت زخمي ٿي پيو ٻنهي ڌرين وچ اڳ ۾ به ٻه ڄڻا قتل ٿي چڪا آهن ۽ زمين جي تڪرار تي وڏي خونريزي جو خدشو موجود آهي، جڏهن ته ٻنهي ڌرين ۾ ڇڪتاڻ ٻيهر وڌي وئي آهي پوليس فوتي نينگر جو لاش پوسٽ مارٽم لاءِ سکر سول اسپتال منتقل ڪيو پوسٽ مارٽم بعد لاش وارثن حوالي لاش گهر پهچڻ تي قهرام مچي ويو علائقي ۾ ڇڪتاڻ برقرار خوف حراس واري صورتحال ڇانيل ھئي