ملير ۾ ٻن ڌار ڌار حادثن ۾ ٻه ڄڻا فوت، مڙه جناح اسپتال منتقل

54 views | 06th Nov 2025 • سنڌي خبرون

ملير ۾ ٻن ڌار ڌار حادثن ۾ ٻه ڄڻا فوت، مڙه جناح اسپتال منتقل

ملير (رپورٽ: عبدالرشيد مورجھريو) ضلع ملير جي مختلف علائقن ۾ پيش آيل ٻه ڌار ڌار ٽريفڪ حادثن ۾ ٻه ڄڻا موقعي تي فوت ٿي ويا پهريون حادثو بن قاسم جي علائقي عبدالله گوٺ پل جي ويجهو پيش آيو جتي نامعلوم گاڏي هڪ راھگير کي ٽڪر هنيو جنهن جي نتيجي ۾ هو موقعي تي فوت ٿي ويو۔ جنهن جي سڃاڻپ 33 ورهين جي والم طور ٿي آهي۔ پوليس موجب حادثي کان پوءِ گاڏي جو ڊرائيور موقعي تان فرار ٿي ويو، جڏهن⁠ تہ لاش کي جناح اسپتال ڪراچي منتقل ڪيو ويو۔ٻيو حادثو گلشن حديد شهباز پمپ جي ويجهو پيش آيو جتي تيز رفتار گاڏي جي ٽڪر ۾ هڪ شخص موقعي تي ئي فوت ٿي ويو۔ چهيپا ذريعن موجب فوت ٿيل شخص جي سڃاڻپ 45 ورهين جي عزيز ولد عبدالشڪور طور ٿي آهي، جنهن جي لاش کي به جناح اسپتال منتقل ڪيو ويو آهي پوليس موجب ٻنهي حادثن جو سبب تيز رفتاري آهي، جڏهن⁠تہ حادثن ۾ ملوث ڊرائيورن جي تلاش جاري آهي ۽ وڌيڪ جاچ شروع ڪئي وئي آهي۔