گھگھر ۾ اياز لطيف پليجو ايجوڪيشن نيٽورڪ ۽ قومي علمي ادبي تربيتي هائوس جو افتتاح

قومي عوامي تحريڪ يونٽ گھگھر طرفان افتتاحي تقريب منعقد

ملير (عبدالرشيد مورجھريو) قومي عوامي تحريڪ يونٽ گھگھر جي طرفان گھگھر ۾ اياز لطيف پليجو ايجوڪيشن نيٽورڪ ۽ قومي علمي ادبي تربيتي هائوس جو باقاعده افتتاح ڪيو ويو. افتتاحي تقريب ۾ علائقي جي سياسي ۽ سماجي اڳواڻن، ڪارڪنن ۽ شهرين وڏي انگ ۾ شرڪت ڪئي.ان موقعي تي تقريب کي قومي عوامي تحريڪ جي اڳواڻن فرحان لاڙڪ، ڪاشف خاصخيلي، اشفاق چنڙ، فياض اتيرو، منان شيخ ۽ جنسار هيسباڻي خطاب ڪيو. مقرر اڳواڻن چيو ته قومي عوامي تحريڪ يونٽ گھگھر جا ساٿي هميشه پارٽي اندر مثالي ۽ شاندار ڪردار ادا ڪندا رهيا آهن. يونٽ گھگھر اسٽڊي سرڪل، تربيتي ڪلاسن، ميٽنگن ۽ احتجاجي سرگرمين ۾ هميشه اڳڀرو رهيو آهي.اڳواڻن چيو ته سنڌ ۾ اياز لطيف پليجو ايجوڪيشن نيٽورڪ جي پهرين آفيس جو قيام، اهو به ڪراچي جهڙي وڏي شهر ۾، قومي عوامي تحريڪ لاءِ هڪ اهم ۽ تاريخي قدم آهي. ان موقعي تي قومي عوامي تحريڪ جي چيئرمين اياز لطيف پليجو آڊيو ڪال ذريعي ساٿين سان خطاب ڪيو ۽ هن ڪامياب قدم تي کين شاباس ڏني.