روهڙي ويجهو ڪوهيڙي سبب حادثو، 10ڄڻا زخمي

252 views | 09th Jan 2026 • سنڌي خبرون

روهڙي ويجهو نيشنل هاءِ تي شديد ڪوهيڙي سبب ٻن ٽرالرن، ٻن مسافر ڪوچن ۽ هڪ ٽرڪ ۾ ٽڪر ٿيو

روهڙي ويجهو ڪوهيڙي سبب حادثو، 10ڄڻا زخمي

سکر(بيورو) نيشنل هاءِ تي شديد ڪوهيڙي سبب خطرناڪ حادثو. معجزاڻي طور ڪو به جاني نقصان نه ٿيو.، نيشنل هاءِ وي تي روهڙي ويجهو ٻن ٽرالرن، ٻن مسافر ڪوچن ۽ هڪ ٽرڪ ۾ ٽڪر ٿي پيو. سکر حادثي جي نتيجي ۾ گاڏين ۾ 10 ماڻهو زخمي ٿي پيا. اطلاع تي ايڌي ايمبولنس توڙي ريسڪيو ٽيمون حادثي واري هنڌ پهچي ويون، ريسڪيو ذريعن موجب مسافر ڪوچون، ٽرالر ۽ ٽرڪ هڪ ٻي پٺيان شديد ڪوهيڙي سبب ٽڪرائجي ويا. حادثي جي نتيجي ۾ ڊرائيور ۽ مسافر زخمي پيا آهن جن کي علاج لاءِ اسپتال منتقل ڪيو ويو