ملير: صالح محمد ڳوٺ ۾ مفت طبي ڪيمپ لڳائي وئي

42 views | 08th Dec 2025 • سنڌي خبرون

ڪيمپ سٽي جنرل اسپتال ۽ ملير سوشل فورم پاران لڳائي وئي

ملير: صالح محمد ڳوٺ ۾ مفت طبي ڪيمپ لڳائي وئي

ملير (رپورٽ: عبدالرشيد مورجھريو) سٽي جنرل اسپتال ۽ ملير سوشل فورم جي تعاون سان صالح محمد ڳوٺ ۾ هڪ ڏينهن جي مفت طبي ڪيمپ لڳائي ويئي جنهن ۾ علائقي جي سوين مريضن جو معائنو ڪري کين بنا معاوضي دوائون فراهم ڪيون ويون۔هي ڪيمپ يونين ڪائونسل آفيس صالح محمد ڳوٺ ۾ لڳائی ویئي جتي سٽي جنرل اسپتال جي تجربيڪار ۽ ماهر ڊاڪٽرن صالح محمد ڳوٺ، ڪوهي ڳوٺ، حاجي بيت الله باغ، ولي محمد ڳوٺ ۽ فقير محمد ڳوٺ مان ايندڙ مريضن جو مفت طبي معائنو ڪيو۔ڪيمپ ۾ مختلف بيمارين جي تشخيص لاءِ ٿيندڙ ميڊيڪل ٽيسٽن تي 50 سيڪڙو تائين خاص رعايت پڻ ڏني وئي، جڏهن ته مريضن کي معياري دوائون به بنا ڪنهن فيس جي مهيا ڪيون ويون۔ميڊيڪل ڪيمپ ۾ مردن، عورتن ۽ ٻارن جي وڏي انگ شرڪت ڪئي। شهرين هن قدم کي علائقي لاءِ وڏي سهولت قرار ڏيندي چيو ته موجوده مهانگائي ۽ معاشي دٻاءَ واري دور ۾ غريب ۽ وچولي طبقي لاءِ اهڙا مفت طبي ڪيمپ ڪنهن نعمت کان گهٽ ناهن۔سياستدانن ۽ سماجي شخصيتن پڻ سٽي جنرل اسپتال ۽ ملير سوشل فورم جي هن ڪوشش کي ساراهيندي چيو ته هن قسم جي صحت دوست سرگرميون علائقي ۾ بنيادي علاج جون سهولتون پهچائڻ ۾ اهم ڪردار ادا ڪري رهيون آهن۔