مورو ۾ شعبان فين طرفان سي اي او محمد شاهه جي صدارت ۾ پر وقار تقريب منعقد, ڊيلرن، ڪاروباري شخصيتن ۽ صحافين جي شرڪت

مورو(جاني جماڻي) مورو جي تاريخ ۾ پھريون ڀيرو شعبان فين طرفان ھڪ پر وقار تقريب منعقد ڪئي وئي جنھن جي صدارت سي اي او محمد شاھد ڪئي جڏھن تہ شاھد مغل، عمر مغل، جويا برادريءَ جي معزز شخصيت مير مشتاق احمد جويو، سڪندر جويو، اعجاز جويو، رياض جويو ۽ ٻيا پڻ مھمان خاص ھئا. جڏھن ته ھن تقريب ۾ سنڌ جي مختلف ننڍن وڏن شهرن مان ڊيلرن معزز ڪاروباري شخصيتن وڏي انگ ۾ شرڪت ڪئي. شروعات قرآن پاڪ جي تلاوت سان ڪئي وئي جڏھن تہ ناليوارن نعت خوانن شاھنواز قادري ڀيئن، جاويد علي ڀيئن، خدا بخش ڪلھوڙو، سيد حاجن فقري حمد ثناء پيش ڪئي. تقريب ۾ اسٽيج سيڪريٽري جا فرائض نعيم احمد سومرو سرانجام ڏنا. ھن تقريب ۾ اعجاز جويو رياض جويو پاران سنڌ جي ثقافت کي برقرار رکندي ايندڙ سي اي او سميت مھمانن کي بوسڪي جا پٽڪا ٽوپيون اجرڪن لونگين جا تحفا پيش ڪيا ويا. انھي موقعي تي شعبان فين طرفان ڪڻن ذريعي پنکا ڏنا ويا جڏھن ته سمورن ڊيلرن دوڪاندارن ڪاروباري شخصيتن صحافين وحيد رزاق مستوئي، ظفرالحق پنهور، جاني جماڻي، رائو عزيز راجپوت، رائو تيمور راجپوت ۽ ٻين کي گفٽ پيڪ پڻ ڏنا ويا. ھن تقريب کي خطاب ڪندي چيو تہ اسان پاڪستان جي عوام لاءِ اھڙي شئي آڻڻ چاھيون ٿا جيڪا سندس لاءِ آساني ھجي جنھن تحت ھن موجود وقت جي صورتحال کي نظر ۾ رکندي اليڪٽرانڪ شين ۾ اھڙو پنکو تيار ڪري مارڪيٽ ۾ آندو آھي تہ جيئن بجلي جي نه ھجڻ باوجود مسلسل لڳاتار ھلندو رھي ۽ ٻيون کوڙ ساريون اليڪٽرانڪ شيون پڻ تيار ڪيون ويون آھن جيڪي پريشاني ختم ڪرڻ ۾ اھم جاءِ والارين ٿيون. ھن چيو ته اڄوڪي تقريب ۾ اعجاز جويو، رياض جويو تاريخ رقم ڪئي آھي ۽ اميد ٿو ڪريان تہ پوري سنڌ ۾ اسان جون تيار ٿيل اليڪٽرانڪ سولر سسٽم تي شيون پسند اينديون ۽ اسان پنھنجي ڊيلرن دوڪاندارن ڪاروباري شخصيتن جي ھر صلاح مشوري ھيٺ بھتري آڻيندا رھنداسين جيڪو عوام لاءِ فائديمند ثابت ٿيندو. جڏھن تہ اعجاز جويو ۽ رياض جويو خطاب ڪندي چيو تہ اڄوڪي تقريب ۾ سي اي او سميت جنھن به شرڪت ڪئي آھي انھن سمورن جا شڪر آھيون اسان جو مقصد پنھنجي علائقي جي عوام کي ڪمپني جي ھر اھا سھولت فراھم ڪرڻ آھي جيڪا اھي ڏيڻ لاءِ ڪوشان آھن ھن جديد ٽيڪنالاجي دور ۾ شعبان فين ھڪ منفرد شيون تيار ڪري آنديون آھن جيڪي وقت جي حصاب سان تمام گهڻي اھميت واريون آھن ۽ سمورن کان مناسب ريٽ تي مھيا ڪيون وينديون. جڏھن ته ھن تقريب جي آخر ايندڙ سمورن مھمانن کي رات جي ڊنر پڻ ڪرائي وئي.