ٺارو شاهه جي گرلز ڊگري ڪاليج ۾ ڪيريئر ڪائونسلنگ سيمينار منعقد

ڪيريئر ڪائونسلنگ بابت سيمينار ۾ نوجوانن کي جديد دنيا سان هم آهنگ ڪرڻ جو عزم

نوشهروفيروز(ڊ ر)ضلع نوشهروفيروز ۾ ڪيريئر ڪائونسلنگ بابت سيمينار, نوجوانن کي جديد دنيا سان هم آهنگ ڪرڻ جو عزم, سنڌ حڪومت جي اسپورٽس اينڊ يوٿ افيئرز کاتي پاران ڊائريڪٽر آف يوٿ افيئرز جي رھنمائي ۾ گورنمينٽ گرلز ڊگري ڪاليج ٺاروشاھ ۾ “Empowering Through Career Counseling” جي عنوان سان ھڪ ڪيريئر ڪائونسلنگ سيمينار منعقد ڪيو ويو، جنهن ۾ اسڪول ، ڪاليج جي شاگردن، شاگردياڻين، استادن ۽ تعليمي ماهرن جي وڏي انگ ۾ شرڪت . سيمينار کي خطاب ڪندي اسسٽنٽ ڊائريڪٽر رضوان علي ملاح چيو ته نوجوانن کي جديد دور جي مهارتن سان ليس ڪرڻ سنڌ حڪومت جي اولين ترجيح آهي. هن چيو ته صوبائي وزير سردار محمد بخش مهر ۽ صوبائي سيڪريٽري منور علي مهيسر جي رهنمائي سان نوجوانن لاءِ اهڙا تعليمي ۽ رهنمائي پروگرام جاري رکيا پيا وڃن، جيئن هو ملڪي توڙي بين الاقوامي ليول جي مقابلن لاء قابل بنجي سگهن. تقريب دوران ڊاڪٽر پرويز احمد ڪمبوھ مستقبل لاء اڀرندڙ ڪيريئر جي رجحانن تي تفصيلي روشني وڌي، جڏهن ته پينل ڊسڪشن ۾ پروفيسر نعمت الله سومرو، ڊاڪٽر محمد ابراهيم کوکر (شاهه عبداللطيف يونيورسٽي)، پرنسپال ڪريم بخش سيال، پروفيسر عرفان علي ملاھ ۽ ڊاڪٽر طاهره خانزاده شرڪت ڪئي. مقررین شاگردياڻين کي منصوبابندي، ڊجيٽل مهارتن، سماجي قدرن ۽ عورتن جي بااختياري بابت اهم ۽ ڪارائتيون صلاحون پڻ ڏنيون. سيمينار جي آخر ۾ شاگردياڻين پاران شاندار ٽيبلو پيش ڪيو ويو، جنهن کي شرڪت ڪندڙن تمام گهڻو ساراهيو. بعد ۾ مقررين ۽ منتظمين کي اعزازي شيلڊون پيش ڪيون ويون. تقريب ۾ اعلان ڪيو ويو ته نوجوانن جي بهتر رهنمائي ۽ پيشاوراڻي ترقي لاءِ اهڙا سيمينار سنڌ جي ٻين علائقن ۾ پڻ منعقد ڪيا ويندا