ٽالهي ۽ ڀرپاسي وارن علائقن ۾ پئيڻ جي پاڻي جو بحران شدت اختيار ڪري ويو، رهواسي سخت پريشان

ٽالهي (رپورتر) ٽالهي ۽ ڀرپاسي وارن علائقن ۾ پئيڻ جي پاڻي جو بحران شدت اختيار ڪري ويو سون جي تعداد ۾ شهري علائقي واسي واٽر سپلائي جي تلائن تي موٽرسائيڪلن رڪشن ۽ سوزيڪين ذريعي پاڻي ڀرڻ لاءِ دربدر، پري پري کان موٽرسائيڪلن رڪشن سوزيڪين ذريعي پاڻي ڀري وڃڻ تي مجبور آهيون، هڪ طرف مهانگائي ٻيو پاڻي جي کوٽ پريشانين ۾ اظافو ڪري ڇڏيو آهي مٺڙائو ڪينال ۾ پاڻي ڇوڙ ڪيو وڃي ته جئين اسان جون پريشانيون گهٽ ٿي سگهن، علائقي واسي خبر موجب ٽالهي شهر ۽ ان جي ڀرپاسي وارن علائقن ۾ سالياني واري بندي ختم ٿيڻ جي باوجود سب ڊويزن نئو ڪوٽ مٺڙائو ڪينال ۾ وقت سر پاڻي نه پهچي سگهيو جنهن سبب پاڻي جو سخت بحران پيدا ويو، علائقي واسين سميت شهري پئيڻ جي صاف پاڻي لاءِ دربدر ٿيڻ لڳا آهن، انهي سلسلي ۾ شهر جي واٽر سپلائي جي تلائن تي شهري پري پري کان پاڻي ڀرڻ لاءِ پهتل علائقي واسين ميڊيا سان ڳالهائيندي چيو ته سالياني واري بندي ختم ٿيڻ جي باوجود سب ڊويزن نئون ڪوٽ مٺڙائو ڪينال ۾ وقت سر پاڻي ڇوڙ نه ٿيڻ ڪري پاڻي جو بحران پيدا ٿي ويو آهي اسان پري پري کان سوزيڪين موٽرسائيڪلن رڪشن ذريعي شهر جي تلائن ۾ پاڻي ڀرڻ تي مجبور آهيون، هڪ طرف راڪاس مهانگائي آهي جتي اٽي کنڊ گيهه جا اگهه آسمان سان ڳالهيون ڪري رهيا آهن ته ٻئي پاسي وري پاڻي جي کوٽ اسان پورهيتن غريبن جي پريشانين ۾ پڻ اضافو ڪري ڇڏيو آهي، جتي پاڻي 21 جنوري تي نارا ڪئنال ۾ کلڻو هيو سو هڪ هفتو ليٽ کليو آهي، ۽ ٻيو دليڙو ريگوليٽر وٽ مٺڙائو ڪئنال جا ٻه دروازا اڃان تائين بند پيا آهن جتان اڃان کاٽي ناهي ٿي سگهي جنهن سبب اسان جا هي پوتي پيل علائقا پاڻي جي کوٽ کي منهن ڏئي رهيا آهن، هنن ڊائريڪٽر نارا ڪئنال سميت لاڳاپيل اختيارين کان مطالبو ڪندي گھر ڪئي ته جلد از جلد مٺڙائو ڪينال ۾ پاڻي ڇوڙ ڪيو وڃي ته جئين اسان جون پريشانيون گهٽ ٿي سگهن،