ملير ۾ ٽريفڪ حادثو، لوڊر گاڏي جي ٽڪر سان نوجوان فوت

102 views | 05th Feb 2026 • سنڌي خبرون

ملير ۾ ٽريفڪ حادثو، لوڊر گاڏي جي ٽڪر سان نوجوان فوت

ملير (رپورٽ: عبدالرشيد مورجھريو)ملير جي علائقي اسٽيل مل پل ڀرسان هڪ ڪمپني جي سامهون تيز رفتار لوڊر گاڏي جي ٽڪر ۾ هڪ نوجوان فوت ٿي ويو. حادثي کان پوءِ فوت ٿيل نوجوان جو لاش جناح اسپتال منتقل ڪيو ويو.فوت ٿيل نوجوان جي سڃاڻپ ڪامران علي ولد شفيع محمد طور ٿي آهي، جنهن جي عمر 27 سال ٻڌائي پئي وڃي. پوليس موجب حادثو ان وقت پيش آيو جڏهن لوڊر گاڏي ڪمپني ڀرسان روڊ ڪراس ڪندي نوجوان کي زور دار ٽڪر هنيو.اطلاع ملڻ تي پوليس فوري طور تي واقعي واري هنڌ پهچي جاچ شروع ڪري ڇڏي، جڏهن ته لوڊر گاڏي کي قبضي ۾ وٺي قانوني ڪارروائي پڻ جاري آهي. پوليس جو چوڻ آهي ته حادثي جي سببن بابت جاچ مڪمل ٿيڻ کان پوءِ وڌيڪ قانوني ڪارروائي ڪئي ويندي.