سجاول ۾ پوليس موبائل مان منشيات هٿ ٿيڻ واري معاملي سنگين رخ حاصل ڪري ورتو

باء پاس تي حادثي جو شڪار ٿيڻ واري سرڪاري گاڏي مان منشيات هٿ اچڻ جو ٽن ڏينھن کانپوء ڪيس داخل

باء پاس تي حادثي جو شڪار ٿيڻ واري سرڪاري گاڏي مان منشيات هٿ اچڻ جو ٽن ڏينھن کانپوء ڪيس داخل سجاول(.گلشيرميربحر) سجاول ۾ پوليس موبائل مان منشيات هٿ ٿيڻ واري معاملي سنگين رخ حاصل ڪري ورتو آهي. باء پاس تي حادثي جو شڪار ٿيڻ واري سرڪاري گاڏي تي ٽن ڏينھن کانپوء منشيات هٿ ٿيڻ جو ڪيس داخل ڪيو ويو آهي.تفصيل موجب. سجاول باء پاس تي حادثي جو شڪار ٿيڻ واري پوليس موبائل مان گھٽڪي ۾ استعمال ٿيڻ وارو مٽيريل ۽ ٻي منشيات هٿ ٿيڻ کانپوء سجاول ٿاڻي تي سرڪاري مدعيت ۾ ڪيس داخل ڪيو ويو. ڪيس سب انسپيڪٽر غلام شبير کهڙو جي مدعيت ۾ داخل ڪيو ويو آهي. جنھن ۾ هيڊ ڪانسٽيبل محمد نويد انور ۽ شير محمد کي نامزد ڪيو ويو آهي. ايف آئي آر ۾ دفعات 409.279.337g ۽ 34 پي پي سي شامل ڪيون ويون آهن جڏهن ته سرڪاري گاڏي جي ناجائز استعمال. منشيات سپلائي ۽ تيز رفتاري جا دفعات به شامل ڪيا ويا آهن حادثي زده موبائل سيڪيورٽي ٽو ڪراچي ۾ تعینات هئي ۽ گاڏي جو ڊرائيور هيڊ ڪانسٽيبل محمد نويد انور. ٻڌايو پيو وڃي پوليس جي سرپرستي ۾ منشيات منتقلي جي انڪشاف تي آئي جي سنڌ سخت نوٽيس وٺندي سي ٽي ڊي ڪميٽي جوڙي. انڪوائري رپورٽ تاحال اڃان تائين منظر عام تي نه اچي سگهي آھي. ۽ اهو به معلوم نه ٿي سگھيو آھي ته موبائل ڪھڙي شخصيت جي سيڪيورٽري تي مامور هئي