نوشهروفيروز ۾ مورو واسي ماءُ پٽ جو پوليس خلاف احتجاج، ٻن ڀائرن کي کنڀي گم ڪرڻ جو الزام

210 views | 22nd Jan 2026 • سنڌي خبرون

پوليس گهر مان ڦرلٽ ڪرڻ بعد ٻن ڀائرن وحيد ۽ سعيد کي کنڀي گم ڪري ڇڏيو آهي، نوٽيس ورتو وڃي

نوشهروفيروز ۾ مورو واسي ماءُ پٽ جو پوليس خلاف احتجاج، ٻن ڀائرن کي کنڀي گم ڪرڻ جو الزام

نوشهروفيروز (ڊ ر)نوشهروفيروز ۾ مورو واسي نوجوان صدام وسطڙو پنهنجي امڙ امينا سان گڏ پريس ڪلب پهچي ميڊيا اڳيان دانهيندي صدام وسطڙو چيو آهي ته ايس ايڇ او ٺاروشاه غلام قادر گورچاڻي گذريل رات پوليس جا وڏا اٽالا ساڻ ڪري اسان جي گهر جا دروازا ٽوڙي گهر ۾ گهڙي چادر ۽ چوديواري جو تقدس پائمال ڪري ڦرلٽ ڪرڻ کان پوءِ عورتن ۽ ٻارڙن تي تشدد ڪيو ۽ ٻن ڀائرن وحيد ۽ سعيد وسطڙو کنڀي کڻي ويو آهي جن کي هن گم ڪري ڇڏيو آهي هن چيو ته مورو جي المصطفا ڪالوني ۾ رهندا آهيون ايس ايڇ او بااثرن جي ونگار وهندي مون تي ۽ منهنجي پيءُ اصغر وسطڙو تي 20 ڏينهن اڳ مٺياڻي ٿاڻي تي ڪوڙي پوليس مقابلي جو ڪيس داخل ڪيو ۽ بعد ۾ 4 لک روپيا وٺي پوءِ ڇڏيو ۽ هاڻي وري منهنجي ٻن ڀائرن کي کنڀو ويو هن وڌيڪ چيو ته اسان جو مائٽن سان تڪرار هلندڙ آهي جن جي ونگار وھڻ لاءِ ايس ايڇ او اسان مٿان ڪوڙا ڪيس داخل ڪري رهيو آهي جيڪو وري ٻيهر پنج لک پيو گھر جيڪا وڏي زيادتي آهي هن سيشن جج ۽ ايس ايس پي نوشھروفيروز کان معامري جي جاچ ڪري ڪوڙا ڪيس ختم ڪري انصاف ڪيو وڃي