ڊي سي ٺٽو سرمد علي ڀاڳت جي صدارت هيٺ روينيو آفيسرن جو اجلاس

اجلاس دوران رڪارڊ آف رائٽس جي نئين سر لکت جي عمل بابت تفصيلي بريفنگ ڏني وئي

ٺٽو( محمد شفيق ڀٽي) ڊپٽي ڪمشنر ٺٽو سرمد علي ڀاڳت جي صدارت هيٺ روينيو آفيسرن جو هڪ اهم اجلاس منعقد ٿيو، جنهن ۾ ضلعي ڀر ۾ هلندڙ روينيو سان لاڳاپيل معاملن ۽ انتظامي امور تي تفصيلي غور ويچار ڪيو ويو۔ اجلاس ۾ اسسٽنٽ ڪمشنر ، مختيارڪارن ، اسسٽنٽ مختيارڪارن ۽ ٻين لاڳاپيل آفيسرن شرڪت ڪئي۔ اجلاس دوران رڪارڊ آف رائٽس جي ازسرنو تحرير جي عمل بابت تفصيلي بريفنگ ڏني وئي، جڏهن ته هن عمل کي شفاف ۽ بروقت مڪمل ڪرڻ تي زور ڏنو ويو۔ ڊپٽي ڪمشنر هدايت ڪئي ته زمينن جي رڪارڊ کي جديد بنيادن تي استوار ڪيو وڃي ته جيئن عوام کي پيش ايندڙ مسئلن جو خاتمو ممڪن بڻائي سگهجي۔ اجلاس ۾ فائر سيفٽي آڊٽ (انٽرميڊيٽ) بابت به اڳڀرائي جو جائزو ورتو ويو، ۽ لاڳاپيل آفيسرن کي هدايت ڪئي وئي ته سرڪاري ۽ نجي عمارتن ۾ حفاظتي اپاءَ کي يقيني بڻايو وڃي ته جيئن ڪنهن به ناخوشگوار واقعي کان بچي سگهجي۔ اجلاس ۾ پيٽرول ۽ سي اين جي جي قيمتن تي ڪنٽرول لاءِ حڪمت عملي تي پڻ غور ڪيو ويو ۽ لاڳاپيل عملدارن کي هدايت ڪئي وئي ته مقرر ڪيل اگهن تي سختي سان عملدرآمد کي يقيني بڻايو وڃي ته جيئن عوام کي رليف فراهم ٿي سگهي۔ ان موقعي تي ڪي پي آئيز (KPIs) اجلاس جي تيارين جو به جائزو ورتو ويو ۽ آفيسرن کي هدايت ڪئي وئي ته پنهنجي ڪارڪردگي رپورٽ مڪمل تياري سان پيش ڪن۔ ڊپٽي ڪمشنر ٺٽو سڀني لاڳاپيل آفيسرن کي هدايت ڪئي ته هو پنهنجن شعبن ۾ هلندڙ ڪمن جي رفتار تيز ڪن ۽ عوامي مسئلن جي حل کي ترجيحي بنيادن تي يقيني بڻائين