مارو خاصخيلي ڳوٺ درساڻو ڇنو ۾ عورتن جو عالمي ملهايو ويو

محمد جميل خاصخيلي، غلام محمد خاصخيلي ۽ اياز خاصخيلي پاران تقريب منعقد

ملير (رپورٽ: عبدالرشيد مورجھريو) گڏاپ ٽائون ملير جي مارو خاصخيلي ڳوٺ درساڻو ڇنو ۾ عورتن جو عالمي ڏهاڙو وڏي جوش ۽ جذبي سان ملهائيو ويو۔ تقريب جو اهتمام سماجي اڳواڻن محمد جميل خاصخيلي، غلام محمد خاصخيلي ۽ اياز حسين خاصخيلي فوڪل پرسن IRC ٽيم جي گڏيل ڪوششن سان ڪيو ويو، جنهن ۾ ڳوٺاڻن ۽ مختلف ادارن جي نمائندن وڏي انگ ۾ شرڪت ڪئي۔ تقريب ۾ يونين ڪاميٽي درساڻو جي وائيس چيئرمين غلام مرتضيٰ بلوچ، سمرا فائونڊيشن جي نائب صدر رجب علي جوکيو، مهراڻ جي يو سي درساڻو جي ڪوآرڊينيٽر اياز حسين خاصخيلي سميت ٻين معزز شخصيتن پڻ شرڪت ڪئي۔ ان موقعي تي مختلف سماجي ادارن جهڙوڪ IRC، CARE ۽ نساء تحريڪ جي نمائندن پڻ شرڪت ڪئي، جن عورتن جي حقن، سندن اهميت ۽ سماج ۾ عورتن جي ڪردار بابت تفصيلي روشني وڌي۔ مقررن چيو ته عورتن کي تعليم، صحت ۽ روزگار جا موقعا فراهم ڪرڻ سان ئي معاشري ۾ مثبت تبديلي آڻي سگهجي ٿي۔ تقريب دوران IRC جي مس آسماءُ ۽ پروجيڪٽ مينيجر بخت بيراني شرڪت ڪندڙ عورتن ۽ شاگردياڻين ۾ انعام ورهائي سندن همٿ افزائي ڪئي۔ جڏهن ته CARE ٽيم مان مس ڪرن ماھي ۽ مس معصوما پڻ پنهنجي ٽيم سان گڏ تقريب جي انعقاد ۾ اهم ڪردار ادا ڪيو۔ان موقعي تي IRC فوڪل پرسن شبانه ميمڻ، مريم، مس آسماءُ ڪوآرڊينيٽر ملير IRC، فيلڊ آفيسر شيراز احمد ۽ مس شيما برهمڻي پڻ موجود هئا۔تقريب دوران عورتن جي سکيا، سماجي شعور ۽ سندن ترقي بابت ٽيبلوز پڻ پيش ڪيا ويا، جن کي شرڪت ڪندڙن وڏي دلچسپي سان ڏٺو۔ مقرر چيو ته اهڙيون تقريبون عورتن ۾ شعور پيدا ڪرڻ ۽ سندن بااختياري لاءِ اهم قدم ثابت ٿين ٿيون۔تقريب جي آخر ۾ عورتن جي حقن جي تحفظ، تعليم جي واڌاري ۽ سماجي ترقي لاءِ گڏيل ڪوششن جاري رکڻ جو عزم پڻ ورجايو