ملير 15 ۾ حد دخلين خلاف آپريشن، ڇپرا، دڪا ڊاهي پٽ ۽ ريڙھا هٽرايا ويا

اسسٽنٽ ڪمشنر مراد ميمڻ ڳوٺ انيس عباسي، مختيارڪار رياض رضوي جي اڳواڻي ۾ آپريشن

ملير (رپورٽ: عبدالرشيد مورجھريو) اسسٽنٽ ڪمشنر مراد ميمڻ ڳوٺ انيس عباسي، مختيارڪار رياض رضوي، تپيدار رستم ضامن علي جي سربراهي ۾ اينٽي انڪروچمينٽ سيل پوليس طرفان ملير 15 ۾ حد دخلين خلاف آپريشن ڪيو ويو. آپريشن دوران فٽ پاٿن ۽ سرڪاري هنڌن تي قائم ڇپرا، ڪيبنون، ريڙھا ڊاهي پٽ ڪيا ويا ۽ علائقي مان حد دخلين کي صاف ڪرايو ويو ان موقعي تي اسسٽنٽ ڪمشنر انيس عباسي ۽ مختيارڪار رياض رضوي چيو تہ فٽ پاٿن ۽ سرڪاري زمينن تي غير قانوني قبضا ڪنهن به صورت ۾ برداشت نه ڪيا ويندا. هنن چيو تہ حد دخلين سبب پنڌ هلندڙ ماڻهن کي تڪليف ۽ ٽريفڪ جي رواني متاثر ٿي رهي هئي، تنهن ڪري ڪارروائي ڪرڻي پئي هنن وڌيڪ چيو تہ واپارين کي اڳواٽ ڪيترائي ڀيرا اطلاع ڏنا ويا هئا، پر عمل نه ٿيڻ تي قانوني ڪارروائي ڪئي وئي. انتظاميا واضح ڪيو تہ اهڙا آپريشن مستقبل ۾ به جاري رهندا ته جيئن شهرين کي اڇ وڃ جون بهتر سهولتون مهيا ڪري سگهجن