مورو ڀرسان حادثي ۾ وين ۽ موٽرسائيڪل ۾ ٽڪر، نينگر فوت، هڪ نوجوان زخمي ٿي پيو

69 views | 17th Apr 2026 • سنڌي خبرون

مورو ڀرسان حادثي ۾ وين ۽ موٽرسائيڪل ۾ ٽڪر، نينگر فوت، هڪ نوجوان زخمي ٿي پيو

مورو (جاني جماڻي ) مورو ڀرسان نيو جتوئي لنڪ روڊ تي تيز رفتار مسافر وين ۽ موٽر سائيڪل ۾ ٽڪر ٿيڻ سبب هڪ نينگر فوت ۽ هڪ نوجوان زخمي ٿي پيو آهي۔ پوليس موجب حادثي ۾ 9 ورهين جو زوهيب ولد غلام الله مشوري ٿڏي تي ئي دم ڏئي ويو، جڏهن ته زبير مشوري زخمي ٿي پيو، جنهن کي فوري طور طبي امداد لاءِ مورو اسپتال منتقل ڪيو ويو آھي پوليس مقامي ماڻهن پاران لاش کي ضروري قانوني ڪارروائي بعد وارثن حوالي ڪرڻ لاءِ اسپتال منتقل ڪيو، جڏهن ته زخمي کي علاج فراهم ڪيو پيو وڃي۔ واقعي بعد پوليس مسافر وين کي تحويل ۾ وٺي ڇڏيو آهي، جڏهن ته ڊرائيور حادثي بعد فرار ٿي ويو، جنهن جي ڳولا جاري آهي۔ پوليس موجب حادثي بابت وڌيڪ جاچ شروع ڪئي وئي آهي اسپتال عملي پاران لاش جون ضروري ڪارروايون پوريون ڪري لاش وارثن حوالي ڪيو ويو لاش گهر پهچڻ تي ڪھرام مچي ويو