ملير ۾ پسند جو پرڻو ڪندڙ جوڙي جو تحفظ لاءِ احتجاج

ملير (رپورٽ: عبدالرشيد مورجھريو) ميرپور ساڪرو سان تعلق رکندڙ پريمي جوڙو صديق خاصخيلي ۽ نورجهان ملاح ٺٽو ڪورٽ ۾ پسند جي شادي ڪرڻ بعد عوامي پريس ڪلب ملير ۾ پريس ڪانفرنس ڪندي ڌمڪين خلاف تحفظ جو مطالبو ڪيو آھي نورجهان ملاح چيو ته هن پنهنجي رضا ۽ خوشي سان صديق خاصخيلي سان نڪاح ڪيو آهي ۽ هوءَ بالغ آهي، تنهن ڪري کيس پنهنجي زندگي بابت فيصلو ڪرڻ جو قانوني ۽ آئيني حق حاصل آهي هن الزام هنيو ته شادي کان پوءِ سندس مائٽن طرفان کيس موتمار ڌمڪيون ڏنيون پيون وڃن سندس چوڻ هو ته منهنجو پيءُ بچو ملاح، چاچو علوملاح، سڪندر ملاح، ڪريم بخش ميراڻي، علي احمد ملاح ۽ پنهوُن ميرو ملاح مونکي ۽ منهنجي مڙس کي مارڻ جون ڌمڪيون ڏئي رهيا آهن جيڪڏهن اسان ٻنهي کي ڪو نقصان پهتو ته ان جا ذميوار اهي ئي ماڻهو هوندا نورجهان ملاح اختيارين کان فوري تحفظ ۽ ڌمڪيون ڏيندڙن خلاف قانوني ڪارروائي جو مطالبو ڪيو صديق خاصخيلي چيو ته هن نورجهان سان شريعت محمدي تحت شادي ڪئي آهي ڪو ڏوهه ناھي ڪيو پر ڌمڪين سبب هو ۽ سندس گهرواري ذهني پريشاني جو شڪار آهن ھنن حڪومتِ سنڌ آئي جي سنڌ ايس ايس پي ٺٽو اعلي پوليس اختيارين کان اپيل ڪئي ته سندن جان ۽ عزت جي تحفظ کي يقيني بڻايو وڃي چاهيون ٿا ته اسان کي به قانون تحت تحفظ ڏنو وڃي، جيئن اسين پرامن نموني پنهنجي نئين زندگي جي شروعات ڪري سگهون