سجاول ۾ پاڪستان نيوي ۽ ساحل ويلفيئر ايسوسيئيشن پاران افطار پارٽي جو اهتمام

سجاول (رپورٽر) پاڪستان نيوي ۽ ساحل ويلفيئر ايسوسيئيشن پاران رمضان المبارڪ جي مهيني دوران علائقي ۾ افطاري جو سلسلو شروع، ساحيلي پٽي ۾ ٻن ڏينهن دوران 500 کان وڌيڪ علائقي جي ماڻهن کي افطاري ڪرائي ويئي. پاڪ نيوي پاران شاهبندر جي ساحيلي پٽي ۾ ماڻهن کي گذريل ٻن ڏينهن کان افطاري ڪرائڻ جو سلسلو هلندڙ آهي ڳوٺ الهڏنو شاھ ۾ پاڪ نيوي پاران هڪ شاندار ۽ منظم افطار پارٽي جو اهتمام ڪيو ويو، جنهن ۾ وڏي تعداد ۾ شهرين، علائقي جي معززين، سماجي شخصيتن، ڳوٺاڻن سميت معصوم ٻارڙن وڏي انگ ۾ شرڪت ڪئي. افطار ڊنر جو مقصد روزيدارن، خاص طور تي مستحق ۽ ضرورت مند ماڻهن کي باوقار انداز ۾ افطار جون سهولتون فراهم ڪرڻ ۽ روزي جي مهيني دوران ڀائيچاري، همدردي ۽ باهمي تعاون جي جذبي کي فروغ ڏيڻ هو. جڏهن ته مغرب جي نماز کان پوءِ شرڪت ڪندڙن ماڻهن لاءِ ماني جو پڻ بندوبست ڪيو ويو هو. پاڪ نيوي جي جوانن پاران پروگرام جا سٺي ۽ منظم انداز ۾ انتظام ڪيا ويا، جنهن لاءِ شرڪت ڪندڙن پاڪ نيوي جي ڪوششن کي ساراهيو.