ملير: ميمڻ ڳوٺ ٿاڻي تي وڪيلن ۽ پوليس ۾ جھيڙو، ڪيترائي وڪيل گرفتار

ايس ايس پي ملير ۽ ملير بار جو صدر به جهيڙي واري هنڌ پهچي ويا

ملير (رپورٽ: عبدالرشيد مورجھريو) ڪراچي جي علائقي ميمڻ ڳوٺ ۾ قائم پوليس ٿاڻي تي وڪيلن ۽ پوليس وچ ۾ سخت ڇڪتاڻ ۽ جھيڙي جي صورتحال پيدا ٿي وئي، جنهن کان پوءِ پوليس ڪجهه وڪيلن کي حراست ۾ وٺي ڇڏيو، جڏهن ته ٿاڻي تي وڌيڪ نفري طلب ڪئي وئي آهي اطلاعن موجب وڪيلن جي وڏي تعداد ڪنهن معاملي تي احتجاج ڪندي ميمڻ ڳوٺ ٿاڻي پهتي، جتي پوليس ۽ وڪيلن وچ ۾ تلخ ڪلامي کان پوءِ صورتحال وڌيڪ خراب ٿي وئي ڇڪتاڻ دوران ڌرين وچ ۾ ڏند چڪ بعد پوليس۽ وڪيل ٻکين پئجي ويا جنهن کان پوءِ پوليس صورتحال تي ضابطو آڻڻ لاءِ ڪارروائي ڪندي ڪجهه وڪيلن کي ٿاڻي اندر بند ڪري ڇڏيو واقعي جي اطلاع ملندي ئي ضلعي ملير جي سينيئرسپرنٽنڊنٽ آف پوليس عبدالخالق پيرزادو فوري طور ميمڻ ڳوٺ ٿاڻي پهچي صورتحال جو جائزو ورتو پوليس اختيارين موجب ٿاڻي ۽ ڀرپاسي وارن علائقن ۾ سيڪيورٽي سخت ڪئي وئي آهي ۽ وڌيڪ نفري پڻ طلب ڪئي وئي آهي ته جيئن ڪنهن به ناخوشگوار واقعي کان بچي سگهجي ذريعن موجب ملير بار ايسوسيئيشن جو صدر ارشاد شر ۽ ٻيا وڪيل اڳواڻ به ٿاڻي تي موجود آهن ۽ پوليس اختيارين سان ڳالهيون جاري آهن ته جيئن معاملو پرامن طريقي سان حل ڪيو وڃي پوليس اختيارين جو چوڻ آهي ته صورتحال هن وقت ڪنٽرول ۾ آهي، جڏهن ته علائقي ۾ اڃا به ڇڪتاڻ موجود آهي۔ وڪيل برادري پنهنجي ساٿين جي آزادي ۽ واقعي جي جاچ جو مطالبو ڪري رهي آهي