نوشهروفيروز ۾ ڳوٺ الهورايو سولنگي واسي جو بااثر خلاف احتجاج

نوشهروفيروز (ڊ ر) نوشهروفيروز ۾ ڳوٺ الهورايو سولنگي جي رهواسي آرمي اهلڪار محمد ياسين سولنگي بااثر ڪورٽ ملازم جي ظلمن خلاف پريس ڪلب آڏو احتجاج ڪيو ان موقعي تي ميڊيا اڳيان دانهيندي هن چيو آهي ته مور سولنگي ڪورٽ ۾ ملازم آهي جيڪو بنا جواز مونکي تنگ ڪري رهيو آهي جيڪو مون سميت ٻين ڳوٺ وارن لاءِ وڏو عذاب بڻجي ويو جنھن منهنجي گهر مان منهنجو 15 لک روپين جي ماليت جو سامان ڏوهاري ماڻهن سان گڏجي کنيو آهي هن چيو ته مور سولنگي جي اهڙي عمل خلاف مان پنهنجي ڪمانڊنگ آفيسر کي درخواست ڪئي جنهن ايس ايس پي نوشھروفيروز کي منهنجو معاملو حل ڪرڻ لاءِ ليٽر لکيو ۽ مان ايس ايس پي نوشھروفيروز سان مليس ۽ مدد جي اپيل ڪئي جنهن پهريان ڊي ايس پي ڀرياسٽي کي منهنجو مسئلو حل ڪرڻ لاءِ چيو جنهن منهنجو سامان رڪور نه ڪرايو جنهن کان پوءِ مان ٻيهر ايس ايس پي نوشھروفيروز سان ملاقات ڪئي جنهن ڊي ايس پي مورو سان ملڻ لاءِ چيو آهي مونکي 10 ڏينهن موڪل هئي اها به پوري ٿي وئي پر اڃان تائين مونکي سامان ناهي ملي سگهيو مون سان به انصاف نه ٿيو آهي ته ٻين مظلوم کي ڪيئن انصاف ملندو هن چيف جسٽس آف پاڪستان، آءِ جي سنڌ ، ڊي آءِ جي شهيد بينظير آباد، سيشن جج ،ايس ايس پي نوشھروفيروز کان انصاف جو مطالبو ڪندي ڪورٽ ملازم خلاف قدم کڻڻ جي گهر ڪئي آهي