سستو ورتل پئٽرول مھانگو ڪري ھڪ ئي ڏينھن ۾ اربين روپين جي ناجائز ڦرلٽ ڪئي وئي: اياز لطيف پليجو

139 views | 13th Mar 2026 • سنڌي خبرون

نااھل ۽ ڪرپٽ حڪومت جي ڪري لکين ماڻھو غربت جو شڪار ٿي ٻن ويلن جي ماني کان محروم ٿي ويا آھن

سستو ورتل پئٽرول مھانگو ڪري ھڪ ئي ڏينھن ۾ اربين روپين جي ناجائز ڦرلٽ ڪئي وئي: اياز لطيف پليجو

حيدرآباد(بيورو) قومي عوامي تحريڪ جي سربراھ اياز لطيف پليجي چيو آھي تہ نااھل ۽ ڪرپٽ حڪومت جي ڪري لکين ماڻھو غربت جو شڪار ٿي ٻن ويلن جي ماني کان محروم ٿي ويا آھن. سستو ورتل پئٽرول مھانگو ڪري ھڪ ئي ڏينھن ۾ اربين روپين جي ناجائز ڦرلٽ ڪئي وئي آھي. حڪمران پگھار 2 مھينا پگھار نہ کڻڻ جو ڍونگ ڪرڻ بدران ڪرپشن بند ڪن. ھٿرادو پئٽرول مھانگو ڪري عوام جو معاشي قتل ڪرڻ بند ڪن. اياز لطيف پليجي چيو تہ ڪراچي ۾ ڪو بہ جھيڙو، فساد، خوف ۽ خونريزي سنڌ ۽ سنڌين جي مفاد ۾ ناھي. ڏوھارين ۽ منشيات فروشن جي تباهين جو شڪار ٿيل ضلعن جا بيروزگار نوجوان پرامن طور ڪراچي اچي روزگار ڪن. اياز لطيف پليجي چيو تہ سنڌ جا وسيلا خطري ۾ آھن. جلال پور ڪئنال قبول ناھي. سنڌو درياھ تي ڪو بہ نئون ڪئنال ۽ ڊيم قبول ناھي. سنڌ کي پنھنجي حصي جو پاڻي ڏنو وڃي. سنڌ جي ھر کاتي ۾ ميرٽ بدران نااھل ماڻھن کي رشوت عيوض ڀرتي ڪيو ويو آھي.