ڊاڪٽر شاھنواز قتل ڪيس ۾ روپوش ڄاڻايل اڳوڻو ڊي آءِ جي جاويد جسڪاڻي سنڌ هاءِ ڪورٽ سرڪٽ بئنچ آڏو پيش, ضمانت منظور

عدالت اڳوڻي ڊي آءِ جي جاويد جسڪاڻي جي گرفتاريءَ کان اڳ واري ضمانت منظور ڪري ورتي

ميرپورخاص (بيورو) ڊاڪٽر شاھنواز قتل ڪيس ۾ روپوش ڄاڻايل اڳوڻو ڊي آءِ جي جاويد جسڪاڻي عدالت ۾ پيش، گرفتاريءَ کان اڳ واري ضمانت منظور ميرپورخاص ۾ پوليس ھٿان مبينا جعلي مقابلي ۾ مارجي ويل ڊاڪٽر شاھنواز ڪنڀر قتل ڪيس ۾ جوابدار ڄاڻايل ميرپورخاص جو اڳوڻو ڊي آءِ جي جاويد سونھارو جسڪاڻي سنڌ ھاءِ ڪورٽ سرڪٽ بينچ ميرپورخاص ۾ پيش ٿيو، ميرپورخاص سندس وڪيل عدالت ۾ ضمانت بابت دليل پيش ڪيا. عدالت سڳوري بعد ۾ جاويد سونھارو جسڪاڻي جي 2 لک رپين جي مچلڪن عيوض گرفتاريءَ کان اڳ واري ضمانت منظور ڪري ورتي آھي. ميرپورخاص واضح رھي تھ اٽڪل 20 مھينا اڳ ڊاڪٽر شاھنواز ڪنڀر جي پوليس حراست ۾ ٿيل موت بعد اڳوڻو ڊي آءِ جي جاويد سونھارو جسڪاڻي لاڳيتو روپوش ھو، جنھن بعد ميرپورخاص جي دھشتگردي ٽوڙ عدالت جاويد سونھارو جسڪاڻي کي اشتھاري جوابدار ڄاڻائي سندس ملڪيتون پڻ ضبط ڪرڻ جو حڪم ڏنو ھو