ٺٽي جي ڪوهستاني پٽي ۾ پيئڻ جي پاڻي سميت بنيادي سهولتن جي اڻاٺ

جر کارو هجڻ ڪري رهواسي پيئڻ جي پاڻي لاءِ تڙپن لڳا، ڏورانهن علائقن جا پنڌ ڪرڻ تي مجبور

ٺٽو( ڊر) ٺٽي جي ڪوھستاني پٽي ۾ پيئڻ جو پاڻي اڻلڀ ٿيڻ توڙي جر جو پاڻي کارو ٿيڻ ڪري ڪوھستان پاڻي جي ڦڙي ڦڙي لاء ترسڻ لڳا، مقامي عورتون توڙي مرد وڏو سفر ڪري پاڻي آڻڻ توڙي خريدڻ تي مجبور بڻيل آھن، پر مصيبت ماريل ڪوھستان واسين جي ڪير بہ سار لھڻ وارو ناھي، ڪوھستان واسين جون دانھون، پيئڻ جي صاف پاڻي سميت سموريون بنيادي سھولتون مھيا ڪرڻ جي گھر ڪري ڇڏي آھي، ان سلسلي ۾ تعلقي ٺٽي جي ڪوھستاني يوسي ڄنگھڙي جي ڪوھستاني ڳوٺن ڳوٺ محمود برفت، ڳوٺ ڳوٺ سليمان برفت، ڳوٺ يعقوب برفت، ڳوٺ پيارو برفت ۽ ٻين ڳوٺن جي ڪيترن ئي خمتاثر رھواسين پاران کين پيئڻ جي صاف پاڻي سميت سموريون بنيادي سھولتون مھيا ڪرڻ لاء ھڪ احتجاجي مظاھرو ملوڪ ہرفت، وڏيرو محمد عيسي برفت، عمرالدين، پيارو، خداڏنو، ڪريم ہخش برفت ۽ ٻين جي اڳواڻي ۾ ڪندي چيو آھي تہ ھڪ طرف ڪوھستاني پٽي ۾ پاڻي ختم ٿيڻ ڪري ڏڪاري حالتون شروع ٿي ويون آھن تہ بئي طرف جر جو پاڻي بہ کارو ٿيڻ ڪوھستان واسي پري پري کان پاڻي آڻڻ توڙي خريدڻ تي مجبور بڻيل آھن، محمد ملوڪ برفت ۽ ٻين چيو تہ کين پيئڻ جي پاڻي سميت صحت، تعليم، روزگار، روڊ، رستي، بجلي جھڙي ڪابہ سھوليت ميسر ناھي، سندن ڳوٺ جي پرائمري اسڪول جي بلڊنگس زبون حال ھجڻ سان گڏ فرنيچر نہ ھجڻ ڪري ٻارڙا پٽ تي ويھي تعليم پرائڻ تي مجبور بڻيل آھن، ھنن چيو تہ ھتي صحت جي ڪابہ سھوليت موجود ناھي بيمار ماڻھن کي ڳرا خرچ ڀري ڪوٽري يا حيدراباد وڃڻو پوي ٿو، ھنن چيو تہ سندن ڳوٺ ونڊ پراجيڪٽن اندر ھجڻ باوجود ھو بجلي کان محروم بڻيل اھن، روڊ، رستي جي ڪابہ سھوليت ناھي ۽ نہ ئي کين ڪو بھتر روزگار ٿو ملي، ھنن چيو تہ ھو پ پ پ جا ووٽر ھجڻ باوجود کين ھر دور ۾ نظر انداز ڪيو ويو اھي. ھنن گھر ڪئي تہ کين پيئڻ لاء صاف پاڻي مھيا ڪري کين بجلي، صحت، روڊ، رستي سميت سموريون ڀنيادي سھولتون مھيا ڪري پريشاني کان بچايو وڃي، ٻئي صورت ۾ سخت احتجاج ڪيو ويندو.