نوشهروفيروز جي ريلوي اسٽيشن ڪالوني جو سڙيل ٽرانسفارمر تبديل نه ٿيو

بجلي جي بندش ۽ سڙيل ٽرانسفارمر تبديل نه ٿيڻ خلاف رهواسين روڊن تي نڪري آيا

نوشهروفيروز(ڊ ر)ريلوي اسٽيشن ڪالوني جو 10 ڏينهن کان ٽرانسفامر سڙيل, قيامت جهڙي گرمي ۾ شهري بجلي لاء محروم بڻيل، ٽرانسفامر جي مرمت لاء رشورت طلب، خبر موجب ريلوي اسٽيشن ڪالوني جي رهواسين پاران 10 ڏينهن کان سڙيل ٽرانسفامر تبديل نه ڪرڻ ۽ مبينه رشوت گهرڻ خلاف احتجاج ڪيو ويو ان موقعي تي شڪيل احمد راڄپر, عاقب کوکر, شعيب سولنگي ۽ ٻين چيو ته, عيد جي رات کان وٺي 10 تائين اسان جي علائقي جي بجلي بند آهي سيپڪو عملدار ٽرانسفامر جي مرمت لاء رشورت گهري رهيا آهن۔ هنن الزام لڳائيندي چيو ته سيپڪو انجنيئر ارشاد سيال, ايس ڊي او اسد ميمڻ, لائن مين لياقت مري, جڙيل ڏيٿو ۽ ٻين آفيسرن جي سرپرستي هيٺ لکين روپين جي رشوت برف جا ڪارخانا، آرا مشينون، پيٽرول پمپ, وڏا ڪمرشل لوڊ رکندڙ نجي ادارا غيرقانوني طور بجلي استعمال ڪري رهيا آهن پر بجلي جا صارفين قيامت جهڙي گرمي ۾ بجلي کان محروم بڻيل آهي هنن وڌيڪ چيو تگنه سيپڪو نوشهروفيروز جا آفيسر, پنجاب جي آفيسرن کان وڌيڪ ڪرپٽ ۽ رشوت خور آهن جن موجوده وزير دفاع خواجه آصف کان 80 هزار وٺي پوء ٽرانسفامر مرمت ڪري لڳايو پر انهن ڪرپٽ آفيسرن خلاف ته ڪاروائي ڪئي وئي آهي پر هتان جي ڪرپٽ آفيسرن کي کلي ڇوٽ ڏني وئي آهي جنهن سبب صورتحال وڌيڪ خراب ٿيندي پئي وڃي ۽ عوام سخت اذيت ۾ مبتلا آهي۔ سيپڪو انجنيئر ,ايس ڊي او سطح ۽ انجنيئرنگ عملي جي غفلت ۽ بدانتظامي سبب غيرقانوني ڪنيڪشنن تي ڪنٽرول نه ٿي رهيو آهي، جنهن ڪري اوورلوڊ وڌي رهيو آهي ۽ ٽرانسفارمر بار بار خراب ٿي رهيا آهن۔ ان موقعي تي شڪيل راڄپر، جاويد احمد ۽ ٻين چيو ته فوري طور بجلي بحال ڪري ذميوار عملدارن خلاف شفاف جاچ ڪئي وڃي۔ هنن وفاقي حڪومت، سيپڪو چيف ۽ لاڳاپيل اختيارين کان مطالبو ڪيو ته مبينا بجلي چوري، غيرقانوني ڪنيڪشنن ۽ انتظامي نااهلي جي فوري جاچ ڪرائي وڃي ۽ متاثر علائقن ۾ بجلي بحال ڪئي وڃي۔