سجاول پوليس پاران هڪ ڏوهاري زخمي حالت ۾ گرفتار ڪرڻ جي دعويٰ

سجاول (رپورٽر)چرس هٿ ڪيل ڪيس ۾ گرفتار منشيات فروش جي نشاندهي تي ڪاروائي گهوٽارو موري ويجھو سجاول پوليس ۽ منشیات فروشن جي وچ ۾ فائرنگ جي نتيجي ۾ هڪ ڏوهاري زخمي ساٿي فرار. تفصيل موجب. ايس ايس پي سجاول ميڊم علينہ راجپر جي هدايتن تي منشيات فروشن خلاف جاري ڪاروائين جي سلسلي ۾ سجاول ٿاڻي جي پوليس جو گرفتار ڪيل منشيات فروش محمد حنيف سنڌي پٺاڻ جي نشاندهي تي گهوٽارو موري ويجھو ڪاروائي. گرفتار منشيات فروش محمد حنيف سنڌي پٺاڻ سجاول ٿاڻي تي داخل نارڪوٽيڪس ايڪٽ جي ڪيس نمبر 192/2026 دفع9( b)نارڪوٽيڪس ايڪٽ ۾ گرفتار آهي جنھن جي قبضي مان 550 گرام چرس هٿ ڪيو ويو آهي. پوليس پارٽي ٻڌايل جاء تي پھتي تہ اتي موجود منشيات فروشن پوليس کي ڏسندي ئي فائرنگ شروع ڪري ڏني پوليس به جوابي فائرنگ ڪئي. فائرنگ جي نتيجي ۾ گرفتار ڏوهاري محمد حنيف سنڌي پٺاڻ پنھنجي ئي ساٿين جي فائرنگ جي نتيجي ۾ زخمي ٿي پيو جڏهن ته ٻيا منشيات فروش اونداھي ۽ وڻن جو فائدو وٺندي فرار ٿي وڃن ۾ ڪامياب ٿي ويا. زخمي ڏوهاري کي فوري طور طبي امداد لاء سول اسپتال سجاول منتقل ڪيو ويو جڏهن ته مفرور ڏوهارين جي گرفتاري لاء علائقي ۾ سرچ آپریشن جاري آهي. سجاول پوليس ڏوهارين لاء بالخصوص منشيات فروشن جي خلاف بنا فرق ڪاروائيون جاري رکندي عوام جي مال جان جي حفاظت کي هر صورت ۾ يقيني بڻايو ويندو