مير نادر ابڙو ڊائريڪٽر اينٽي ڪرپشن اسٽيبلشمينٽ سنڌ مقرر

سماجي شخصيتن پاران مير نادر ابڙو کي ڊائريڪٽر مقرر ٿيڻ تي مبارڪون ڏنيون ويون

عمرڪوٽ (رپورٽ:ڪانجي مل رکيسر) چيف سيڪريٽري حڪومتِ سنڌ ۽ وڏي وزير سنڌ جي هدايتن تي نامور اديب، ڪالم نگار، سماجي اڳواڻ ۽ سينيئر پوليس آفيسر مير نادر علي ابڙو کي فوري نوٽيفڪيشن ذريعي ڊپٽي ڊائريڪٽر اينٽي ڪرپشن اسٽيبلشمينٽ مان ترقي ڏئي ڊائريڪٽر اينٽي ڪرپشن اسٽيبلشمينٽ سنڌ مقرر ڪيو ويو آهي، ياد رهي ته مير نادر علي ابڙو پاڪستان جي نامياري اديب، دانشور، جج، سياستدان، سماجي مصلح، ماهرِ تعليم ۽ بيباڪ صحافي ڪامريڊ تاج محمد ابڙو جا فرزند آهن، هو اينٽي ڪرپشن کاتي سنڌ ۾ هڪ ايماندار، فرض شناس ۽ عوام دوست آفيسر طور پنهنجي الڳ سڃاڻپ رکن ٿا، سندن ترقي تي مختلف سماجي، ادبي، سياسي ۽ صحافتي حلقن پاران واڌاين جو سلسلو جاري آهي، ان موقعي تي نامور سماجي شخصيت، پاڪستان زنده باد بيسڪ آرگنائيزيشن پاڪستان جي ضلعي چيئرمين ۽ رحيمداڻي اڪيڊمي جي صدر رسول بخش رحيمداڻي مير نادر علي ابڙو کي دل جي گهراين سان مبارڪباد پيش ڪندي چيو ته سندن ترقي ميرٽ، محنت ۽ ايمانداري جو اعتراف آهي، صحافين سان ڳالهائيندي رسول بخش رحيمداڻي چيو ته مير نادر علي ابڙو هڪ عوامي شخصيت آهن، جن پنهنجي پيشاور ذميوارين سان گڏ سماجي ۽ فلاحي ميدان ۾ پڻ نمايان خدمتون سرانجام ڏنيون آهن، اميد آهي ته هو پنهنجي نئين عهدي تي به ڪرپشن جي خاتمي ۽ عوامي مسئلن جي حل لاءِ مؤثر ڪردار ادا ڪندا، پاڪستان زنده باد بيسڪ آرگنائيزيشن پاڪستان جي وومين چيئرمين جميلان کوسو پڻ مير نادر علي ابڙو کي مبارڪباد ڏيندي چيو ته اهڙا باصلاحيت ۽ فرض شناس آفيسر ادارن جي نيڪ نامي ۽ عوامي اعتماد ۾ واڌ جو سبب بڻجن ٿا، هن چيو ته مير نادر علي ابڙو جي ترقي نوجوان نسل لاءِ هڪ مثبت مثال آهي ته محنت، لگن ۽ ايمانداري هميشه ڪاميابي جون راهون هموار ڪن ٿيون، پاڪستان زنده باد بيسڪ آرگنائيزيشن پاڪستان جي ضلعي صدر روبينا قائم خاني مبارڪباد پيش ڪندي چيو ته مير نادر علي ابڙو جون پيشاور خدمتون ساراهه جوڳيون آهن، هن چيو ته سندن مقرري سان اينٽي ڪرپشن کاتو وڌيڪَ فعال ۽ مؤثر انداز ۾ عوامي خدمت سرانجام ڏئي سگهندو۔ هن نيڪ خواهشن جو اظهار ڪندي چيو ته مير نادر علي ابڙو پنهنجي صلاحيتن ۽ تجربي سان اداري جي ڪارڪردگي ۾ وڌيڪَ بهتري آڻيندا، ان موقعي تي نوجوان صحافي ۽ ڪالم نويس سجاد علي شيخ پڻ مير نادر علي ابڙو کي ترقي تي مبارڪباد ڏيندي چيو ته هو هڪ باڪردار، مخلص ۽ عوام دوست آفيسر آهن، جن هميشه انصاف، شفافيت ۽ عوامي مفاد کي ترجيح ڏني آهي، هن چيو ته مير نادر علي ابڙو جي ترقي نه رڳو سندن ذاتي ڪاميابي آهي، پر انهن سڀني ماڻهن لاءِ پڻ خوشي جو باعث آهي، جيڪي ايماندار ۽ محنتي آفيسرن جي همٿ افزائي جا خواهشمند آهن، سماجي، ادبي ۽ صحافتي حلقن اميد ظاهر ڪئي آهي ته مير نادر علي ابڙو پنهنجي پيشاور صلاحيتن، وسيع تجربي ۽ عوامي خدمت جي جذبي سان نئين عهدي تي وڌيڪ بهتر نموني سان خدمتون سرانجام ڏيندا