ملير، ڪاٺوڙ بازار ۾ هٿياربند دڪاندار کان 40 هزار رپيا ڦر ڪري ورتا

66 views | 11th Jun 2026 • سنڌي خبرون

ملير، ڪاٺوڙ بازار ۾ هٿياربند دڪاندار کان 40 هزار رپيا ڦر ڪري ورتا

ملير (رپورٽ: عبدالرشيد مورجھريو) گڏاپ سٽي ٿاڻي جي ڪاٺوڙ چوڪي جي حدن ۾ ڪاٺوڙ بازار ۾ هٿياربند ڦورن واردات ڪندي مقامي دڪاندار پريتم داس کان لڳ ڀڳ 40 هزار رپيا روڪ رقم ڦر ڪري فرار ٿي ويا مليل ڄاڻ موجب هٿياربند جوابدار دڪان ۾ داخل ٿي هٿيارن جي زور تي دڪاندار کي يرغمال بڻايو ۽ وٽس موجود روڪ رقم ڦر ڪري آساني سان فرار ٿي ويا واقعي کان پوءِ علائقي جي واپارين ۽ رهواسين ۾ خوف ۽ هراس پکڙجي ويو. شهرين وڌندڙ بدامني تي ڳڻتي ظاهر ڪندي پوليس کان مطالبو ڪيو آهي ته ڦورن کي فوري طور گرفتار ڪري شهرين جي جان ۽ مال جي تحفظ کي يقيني بڻايو وڃي. پوليس واقعي جي جاچ شروع ڪري ڇڏي آهي.